Kabanata 19

Kabanata 19

"ANO? BAKIT NGAYON MO LANG SINABI?" Itinapon ni Cindy ang kaniyang bag sa kama.

Nakabalik na ang mag-inang Cindy at Merella sa mansyon samantalang si Sevi naman ay dumiretso sa Jones Groups of Companies.

"Hindi ko sinabi kanina at baka magwala ka sa Escueza." Umupo si Merella sa sofa. Ipinatong niya ang kaniyang bag sa mesa at pagkatapos ay itinaas ang kaniyang mga paa sa sofa.

"Matagumpay na si Nadia sa France. Bakit bumalik pa siya ng Pilipinas?" Hinubad ni Cindy ang kaniyang stockings.

"Hala ka, mama! Baka nagkaroon ng interest si Tita Nadia sa business ng kapatid niya." Kilig na kilig si Merella habang nag-cha-chat kay Jen. Ikinukuwento niya rito ang nangyari kanina sa Escueza. "Aray!" Napahawak siya sa kaniyang ulo nang batuhin siya ng mama niya ng unan.

"Namomroblema na nga ako, abot-langit pa ang ngiti mo riyan! Sino ba 'yang kapindutan mo riyan? Si Jackson ba 'yan? Ayain mo nang magpakasal at baka mauntog pa. Ikaw rin. Kawawa ka." Matapos magbihis ng damit ni Cind