Kabanata 20

Kabanata 20

"Isama mo na naman ako!" angal ni Jett habang nakasunod sa kaniyang Kuya Jackson.

"No. Pumunta ka sa Escueza. Ikaw na muna ang humarap sa board of directors. Kayang-kaya mo 'yon. Kahit naman loko-loko ka eh, alam kong may ibubuga ka pagdating sa mga business matters." Kinuha ni Jackson ang susi ng kaniyang big bike sa drawer niya. "Isa pa, hindi ko dadalhin ang alinman sa mga kotse ko," dagdag niya.

"Saan ka ba pupunta? Ilang araw kang mawawala? Bakit ayaw mo akong isama?" sunod-sunod na tanong ni Jett.

"Babalik din ako after one week," tugon ni Jackson. Isinuot na niya ang kaniyang black cap at black leather jacket.

"ONE WEEK? Tang.ina naman, my dear brother! Baka mabaliw ako sa Escueza kung isang linggo kang mawawala! Si Diana na lang ang papuntahin mo roon. Mas magaling naman siya mag-manage ng business kaysa sa akin. Paano na lang ang mga babae ko? Mamimiss nila ako ng sobra kapag isang linggo nila akong hindi nasilayan," reklamo ni Jett.

Tumawa nang mahina si Jackson.