Kabanata 36

Kabanata 36

Dahan-dahang iminulat ni Mereya ang kaniyang mga mata. Kinusot pa niya ang mga ito nang mapansin niyang hindi pamilyar sa kaniya ang silid na kinaroroonan niya. Napanatag ang loob niya nang maalala niyang nasa secret villa siya ni Jacob Anderson Gray. Nagsalubong ang kaniyang mga kilay nang maalala niya ang kaniyang kaibigan.

"Yuna? Nasaan ka? Nagugutom ako," ani Mereya habang hawak-hawak niya ang kaniyang tiyan.

Umagaw ng atensyon ni Mereya ang litratong nakadikit sa dingding, sa tapat ng malaki at malambot na kamang hinihigaan niya.

"Si Mr. Jacob ba 'yon? Bakit parang…" Naningkit ang mga mata niya habang inaanalisa niya ang litrato ng isang binatang lalaki. Sa tantsa niya ay nasa disi-otso anyos lamang ang edad ng lalaking iyon. Sa sobrang focus niya sa litrato ay hindi na niya namalayang bumukas na pala ang pinto.

Abot-tainga ang ngiti ni Jackson nang makita niyang gising na si Mereya. Wala itong kahit anong makeup sa mukha. Medyo magulo rin ang buhok nito pero litaw na