Episode 15: Plead

“Ano ba sa tingin mo ang ginagawa mo?"

Awtomatikong napalitan ang pinta ng mukha ko nang makapasok kami sa loob. Itinaas nito ang binder mula sa bintana matapos akong sulyapan ng masamang tingin.

Napakagat ako sa ibabang labi nang muli itong humarap para pantayan ang titig ko. Tumaas naman ang isa sa mga kilay ko nang kilatisin ang buong pagkatao nito.

“So, its on me, now? After that, after saving you from embarrassment, this? Ito ang ipapalit mo?" singhal nito.

Ramdam ko ang pinipigilan nitong panggigigil habang sinasabi ang mga kataga. Mas tumalim ang paningin ko sa kaniya nang ituro niya ang pisngi.

Alam kong tinutukoy niya ang pagdapo ng kamao ko sa matigas niyang pagmumukha.

“Nabastos ako, T-Trevino! Anong gusto mong gawin ko? Magpasalamat, kapag tapos ng ginawa mo kanina? Bakit hindi mo na lang ibinulong sa akin?" bulalas ko.

Suminghap ako.

‘Yong nangyari kanina, ang pagyakap at pag-ibabaw ko sa kaniya na hindi ko naman sinasadya. Siya ang may kagagawan kung bakiy ko siya na