Episode 22: Surprise!

“Nasaan tayo?"

Kasabay nang palakpak ko ang banayad na simoy ng hangin na talaga namang nagpakalma sa nagwawala kong puso. Hindi ko inaasahan na pagbibigyan niya ang kanina ko pang ibinubugnot sa kaniya magmula sa mansyon pa lang.

Hindi hinggil sa aking kaalaman na katapangan ng hiya ang pangungulit sa isang lalaking nakaayos na ang mga dapat gawin sa araw na walang ginawa kundi trabaho ang isipin. Ngunit maisasantabi ko ang hiya lalo na't para sa isang bata. Hindi rin naman siguro malaking bagay ang hinihingi ko? Na pagbigyan si Alliyah sa kaniyang gusto para sa kahit isang beses lamang ay maramdaman at maranasan niya ang saya ng pagkakaroon ng isang pamilya.

Abot tenga ang ngiting sumilay sa aking labi nang simulan naming tahakin ang malawak na espasyo ng skwelahang ito. Iwinaglit ko muna sa isipan ang kaba nang makaramdam ng iilang mga tinginan ng mga tao sa amin at mga bulungan nito.

“Good day, Mr. Sebastian. In behalf of the school employees and board of directors, we want to th