Chapter 9: WHAT MATTEO REALLY IS

"Salamat lord, busog na ko," ani Mahalia na hinihimas-himas ang tiyan.

Nasarapan siya sa hapunan nila, dahil manok iyon na binalot ng breadcrumbs at kasama ang iba't ibang pampalasa, saka pinatungan ng melted cheese sa ibabaw.

Tapos ang manok na iyon pinatong sa pasta, kasing laki lang ng palad ang hiwa ng manok at maliit lang ang plato na pinaglagyan ng pasta kaya masasabi niyang bitin siya, pero itong mga lalaking kasama niya, sinasabi busog na daw.

Gusto pa talaga niyang kumain, pero lumabas na kasi sila.

"Ganto lang talaga suot ko sir? Tsinelas mo at itong panligo?" tanong niyang nakasunod sa likuran ng mga ito. Naka roba kasi siya.

Wala pa siyang bra o panty, at pupunta sila sa mall.

"Gusto mo ba ng damit ko, pantalon ko, bigyan na rin kita ng payong para mukha kang mushroom," bara naman nito.

Natawa pa ang mga kasama nito.

Pagkarating sa mall, ipit na ipit lang niya ang sarili niya habang nakasunod sa tatlo. Ang lalaki pa ng mga hakbang ng mga ito, na para bang wal