Kabanata 50

Mabigat ang loob ni Aika sa pagyayabang ni Lucille sa kanya ngunit sa kabila nito ay nagawa pa rin niyang mairita ang matinding ka-kompetensiya sa trabaho at inis siyang iniwan sa silid ng mag-isa.

Naupo si Aika sa kama at isinandal ang likod sa malamig na pader, humalukipkip at magkasalubong ang dalawang kilay, at nakanguso niyang dinamdam ang pagkaagaw ni Lucille sa trabaho na dapat ay kanya.

“Kung hindi lamang ako naaksidente kanina, sigurado akong akin pa rin ang spot na iyon. Kainis! Bakit pa kasi ngayon pa?!” inis niyang reklamo sa sarili, nakatuon pa rin ang paningin ng dalaga sa nakasarang pintuan sa harap niya.

Isang malalim na buntong hininga ang kanyang pinawalan, “kainis talaga… nakuha pang pumunta dito at magyabang sa akin.”

Wala pa ring kibo si Aika nang bumukas ang pinto at pumasok sa loob ang binata na si Sandro, napansin ng binata ang pagkabalisa ni Aika.

“Who makes you sad?” tanong nito, nasipat ng mga mata ni Sandro ang basket ng prutas na nakapatong sa ibabaw ng d