Lover 12

“May problema ba, Ino?” nagtatakang tanong ni Merlin habang nagbabalik-balik ang tingin niya sa akin at sa harapan. “Don’t tell us-”

“No!” maagap kong putol kay Merlin bago pa makapag-isip ng isasabad ang dalawang nasa gilid ko. “Ahm, ano- mauna na kayo, may aayusin lang ako.”

“Go, guys. Bago pa tayo maubusan ng mauupuan,” anas ko nang walang tuminag sa kanila. Hindi naman nagtagal ay napilitan na silang lumakad.

Hinintay ko muna silang makalayo bago ko binalingan si Cai. Saglit din akong nagpalingap sa paligid para makita ko kung may nakatingin sa amin or most likely, sa akin.

“Cai, sinabi ko naman na yung dahilan di ba?” halos pabulong na sabi ko. Kailangan kong hinaan ang boses ko dahil baka makatawag ako ng atensyon, isipin pa nila na nababaliw na ako.

Matagal din akong tinitigan nito bago nagsalitang muli. Gusto kong haplusin ang braso ko sa lamig na nanunuot sa laman ko pero hindi ko ginawa. Pinanatili ko lang kay Cai ang tingin ko at nakipagsukatan dito. Hanggang ngayon ay h