Chapter 36

Sinubukan kong matulog nang gabing iyon. Pero kahit anong pikit ko. Kahit anong subok ko, hindi ko magawa. Nakapatay na ang ilaw sa loob ng kuwartong tinutulugan ko nang magdesisyon akong bumangon para magtungo sa switch para mabuksan ang ilaw.

Pagkasindi niyon ay agad akong bumaling sa wall clock ng kuwarto.

11:45

Malapit na maghating-gabi pero gising na gising pa rin ako. Humugot ako malalim na hininga bago muling naglakad pabalik sa kama at umupo roon.

I should’ve been sleeping and resting for tonight. Bukas ay kailangan naming umalis para pumunta sa meeting na naka-schedule para kay Leander kasama si Mr. Prieto. Hindi naman ako puwedeng magmukhang lutang bukas. Mahirap na dahil baka mapagalitan pa ako. Kanina, nakita ko kung paano pagtaasan ni Leander ng boses iyong babae.

Muli akong humiga at sinubukang matulog pero wala pa rin. Muli akong bumuntong-hininga at pagod na bumangon sa kama. Dire-diretso akong naglakad