Chapter 45: Pagpapakilala .2

Prinsesa Atyrrah POV

Kusa akong nagising. Tinanghali ako ng gising. Parang ang bigat ng aking pakiramdam ngunit hindi ko alam ang dahilan. Masakit rin ang aking ulo. 

"Hay" buntong-hininga ko bago itinutok ang aking paningin sa kisame ng aking kwarto. 

Nakauwi kami kagabi at pagtapos ay sinamahan ako rito ng Ginoo. Masyadong masarap sa pakiramdam ang sinabi at aksyon niya kagabi. Hanggang sa dumating ang punto na gusto ko nang ipakilala ang aking sarili upang malaman kung matatanggap niya pa ko.

Tinawag ko ang hangin upang sabayan ako sa aking pagpapakilala. Hanggang sa....

"Anong nangyari?" Naguguluhan kong tanong habang kunot ang noo at nakatitig sa kisame. Hindi ko maalala! Wala akong maalala pagtapos no'n. Inalog ko ang aking ulo ngunit walang nangyari. Wala talaga akong maalala. Ang aking utak ay nahinto sa pagproseso.

Isang katok ang nagbalik sa akin sa wisyo. Umupo ako sa kama at isinandal ang aking likod sa ulunan nito sakt