Kabanata 19 - She is my daughter

Eloise's Point of View

"Daddy!" Sigaw ni Amelia at Avery nang makita nila si Elijah.

Napansin kong nangunot naman ang noo ni Elijah nang makita niya si Avery. Hindi siguro niya inaasahan na makikita niyang muli ang aking anak. Mas lalo pang bumakas ang pagtataka nito nang lumapit sa akin si Avery.

Parang napako si Elijah sa kanyang kinatatayuan. Kunot-noong nakatitig lamang ito sa aming dalawa ni Avery.

"Anak mo ba siya, Eloise?" Malamig ang boses na tanong ni Elijah. Madilim ang awra nito at halatang pinipigilan ang sariling hindi magalit.

"O-oo, a-anak ko siya, Mr. Montereal." Nauutal kong tugon dito.

Napatango-tango naman si Elijah. At tila may malalim na iniisip.

"Daddy Elijah, mabuti po at dumating kayo." Saad ni Amelia kay Elijah subalit wala ang atensyon ng lalaki sa bata. Napansin ni Amelia na nakatitig ang kanyang daddy Elijah kay Avery. Nanlaki naman ang mga mata nito nang mapansin na magkamukha ang dalawa.

Nag-iwas naman ako nang tingin sa nakatutunaw na tingin ni Elijah. Al