Chapter 28

NASA classroom ang katawang lupa ko pero ang utak ko ay panay layag kung saan-saan. Matapos kong umuwi kagabi ay ibinalita ko kina Tita Divine kung anong nangyari kay Nanay sa ibang bansa. Ipinangako naman ni Tita na iintindihin niya ang mga kakailanganing papeles para makabalik na si Nanay dito sa Pilipinas.

Bumuntonghininga ako at itinuon na ang atensyon sa nagtuturong guro sa unahan. May mga sinasabi itong mga terminolohiya na hindi ko maintindihan. Marahil ay dahil hindi ako nakikinig kanina pa.

Napansin kong may nakatingin sa akin sa peripheral vision ko kaya nagsalubong ang mga kilay ko at tiningnan kung sino iyon. Napairap naman ako nang makitang si Onyx iyon. Kumulo ang dugo ko nang makita ang mukha niyang animo'y inosente't hindi kayang manloko ng tao.

Scam iyon. Scammer ang mukha niya.

Bumalik sa isip ko ang paghahalikan ni Onyx at Sheena kaya napakurap ako ng maraming beses, umaasang pigilan niyon ang mga luhang pabagsak na. Nagwagi naman ako d