Chapter 01

Nahulog ang hawak-hawak kong cellphone pagkapasok na pagkapasok ko sa kuwarto ni Ate, mabilis kong pinulot ang cellphone ko kahit nanginginig na ang kamay at paa ko. Nang makatayo na ako ay natigilan ako sa aking kinakatayuan. Para akong pinagbagsakan ng langit at lupa sa nakikita ko. Totoo ba 'to? Sana panaginip na lang itong nakikita ko ngayon. Tinakpan ko ang aking bibig dahil ayaw kong magdulot ng ingay muli.

Naramdaman ko ang pag-iinit ng mata ko, at sa mata kong iyon kitang-kita ko ang magiging asawa ko na magkasama silang matulog ng kapatid ko sa iisang kama. Mas lalo kong hinigpitang ang pagkakahawak sa aking bibig dahil naramdaman ko na ang pagbagsak ng mga luha ko. Pero imbis na magmukmok ako rito ay tinulungan ko ang sarili ko, sinubukan kong tumayo sa sarili kong paa.

Pumunta ako sa closet ng Ate ko at doon ko naisipang na magtago. Gusto kong malaman kung ano ang maaari nilang gawin dito. Kahit na hindi ko pa rin matanggap ang ganitong ginawa nila sa akin. Sa lahat ng tao pa talaga, iyong kapatid ko pa. Napapikit ako nang mariin, iniisip ko na ang magiging asawa ko na dapat ngayong araw ay ito ang ginagawa. Pumasok na sa isip ko kung ano pa ba ang pagkukulang ko sa kanya at nagawa ito sa akin ng mahal ko.

Magkayakap pa silang dalawa habang natutulog at hindi ko na pa napigilan ang sarili ko na mapaiyak nang tahimik. Sa araw pa mismo na dapat na kasal namin ni Neon. Pinigilan kong huwag maiyak dahil nakita ko na gumalaw silang pareho na senyales na gising na sila, narinig ko pa ang mahinang bulungan at tawanan nila.

Nanlaki ang mata ko sa sunod nilang ginawa at kaagad kong kinuha ang cellphone ko upang ma-video-han ito. Nanginginig pa ang kamay ko at para akong nanghihina rito. Kahit na ang sakit-sakit na sa lagay ko, pinili kong ipagpatuloy ang pag-video sa ginagawa nila. Kahit naririnig na ang mahihina kong hikbi't sinubukan kong itikom pa lalo ang aking bibig.

Hinawakan ko nang mabuti ang bibig ko upang hindi nila ako marinig at maya-maya rin ay natapos na rin sila. Tinigil ko na ang pagvi-video sa kanila at sila naman ay narinig ko ang tawanan, tuwang-tuwa pa sila sa ginagawa nila ngayon. Napapikit ako dahil hindi ko akalain na ganito sila, nakakadiri. Napahawak ako sa dibdib ko upang mapakalma ang aking sarili.

Kung makita ito ng marami kung ano ang ginawa nila ngayon, at sa araw pa mismo talaga ng kasal namin. Napuno na ng galit ang puso't isipan ko, wala na akong paki kung ano ang mangyayari pagkatapos nito. Gusto ko na silang pagsasampalin pero kailangan kong kontrolin ang sarili ko.

"Kasal niyo na ng kapatid ko ngayon... ano tayo?" Napatingin ako sa kanila dahil sa tanong ni Ate, hindi ako makapaniwala na maririnig ko 'yon mula sa kanya. Nakita kong nagsusuot na sila ng damit para sa kasal namin ni Neon. Pinakinggan ko nang maigi kung ano pa ang magiging usapan nila.

"No one should know about this. This was nothing, and if you dare to say... remember you need my family more than we need you," malamig na sabi ni Neon na walang pakialam, na parang walang nangyari sa kanila ng kapatid ko kani-kanina lang. Hindi ko siya nakilala dahil sa inasta niyang iyon, hindi ganoon ang Neon na kilala ko. Ibang-iba siya ngayong umasta't magsalita. 

Nakita ko rin ang gulat mula sa mukha ng kapatid ko. "Let's go, I still have a marriage to attend. Which, your sister will be my bride," Neon said brutally, as if it was just a word that holds nothing. Like for him, words aren't powerful. Mabilis na nagbihis ang kapatid ko at naunang natapos si Neon kaya siya na ang unang umalis dito. 

Sumunod na rin ang kapatid ko na hindi pa rin makapaniwala at lumabas na rin siya't wala nang natira dito sa kwarto niya, kung 'di ako. Lumabas na ako sa closet niya at papalabas na ako ay biglang nanghina ang mga tuhod ko kaya tuluyan na akong natumba sa sahig at dito na nagtuluy-tuloy ang pagbagsak ngaking mga luha at hinayaan ko ang sarili kong umiyak nang malakas.

Hinayaan ko ang sarili kong umiyak nang umiyak, mamaya pa naman ang magiging kasal namin. Pero ngayon, hindi ko na ito itutuloy. Hindi ko matatanggap ang ginawa itong ni Neon sa akin. Hindi ko hahayaang ganu'n-gano'n lang 'yon. Hindi ko papalagpasin 'tong pagkakataon na ito. 

Dahil sa iniisip ko na 'yon, gusto kong maghiganti. Pinunasan ko ang mata ko at sinubukan kong pigilan na ang luha kong nagbabadya pang mahulog, inayos ko ang aking mukha at ang aking sarili na rin. Tumayo ako, at nagpaayos na akong muli. Nagtaka naman kaagad ang makeup artists at stylist kung ano ang nangyari sa akin dahil sa itsura ko pero ang sinabi ko na lang na ayusan na lang nila ako.

Ginawa naman nila 'yon at hindi na nagtanong pa. Maraming kulay ang nakahandang gown para sa akin, at pinili ko ang kulay itim na gown. Pinagsabihan ako ng stylist ko na hindi dapat 'yon ang suotin ko, pero hindi ko siya pinakinggan at tinuloy ko ang gusto kong suotin at ang balak ko para dito. Wala silang nagawa na at sinuot ko na 'yon, at tinapos na nila ang makeup ko, at tinignan ko ang itsura ko mula sa salamin at nakita ko ang aking repleksyon.

"Ang ganda ko," tanging nasabi ko. Umikut-ikot pa ako dahil sa gown na suot ko. Nagagandahan ako sa sarili ko ngayon, lahat ay bumagay sa akin. Maya-maya lang ay tinignan kong muli sa huling pagkakataon ang sarili ko. Tinignan ko nang mabuti ang sarili ko at saka ako ngumiti nang mapait, nang may naalala. May balak na akong gawin, hindi ko hahayaan na ganoon lang 'yon.

Maaga na akong pumunta kung saan magaganap ang kasal namin ni Neon. Beach wedding ito, at kahit gaano pa kaganda ang tanawin na narito ay hindi naman magiging maganda ang hahantungan nito. Lumapit ako kung sino ang mga taong nagko-control ng mga papatugtugin mamaya at mga videos na ipla-play nila. 

Sinabi ko na mayroon pa akong gustong file na idagdag na agaran naman silang pumayag. Sinabi ko kung kailan ito ipla-play at tumango sila roon, at nag-okay. Nagtaka pa sila kung bakit ako narito at dapat mamaya pa ako, pero ngumiti lang ako sa kanila. Hapon magaganap ang kasal namin, pero after lunch pa lang ay narito na ako at wala pang masyadong tao. 

Nang matapos kong gawin ang dapat kong gawin ay pumunta na muna ako sa nai-rent kong room dito, at kahit naka-gown ay nakayanan ko namang maglakad nang matiwasay. Nagpahinga na muna ako rito at maya-maya na lang din ay paparating na rin ang mga bisita, ang pamilya niya't pamilya ko. 

Patagal nang patagal, hindi ko maiwasan din na maiyak dahil sa nangyari sa amin ngayon. Kahit papaano ay mayroon din naman kaming pinagsamahang dalawa, at naging masaya rin naman kami at hindi ko naman ipagkakaila iyon. Kahit na alam naman namin na ginagamit lang namin sila dahil nabaon na kami sa utang, at kailangan namin sila. 

Pero totoong minahal ko siya, lahat ng pinaparamdam ko sa kanya ay lahat ng iyon ay totoo. Pero ngayon, ito ang sinukli niya. Masakit, sobrang sakit. Sinubukan ko ang huwag umiyak dahil ayaw kong masira ang makeup ko sa aking mukha. Kumuha ako ng tissue at pinunasan ko ang gilid ng mata ko upang saluhin ang luhang nagbabadyang mahulog. 

Napatingin ako kung nasaan ang cellphone ko at kitang-kita ko roon ang paulit-ulit na tawag ng magulang ko, pero hindi ko sila sinasagot ko. Nag-aalala siguro sila dahil mabilis akong nawala't natapos, hindi na nila ako nakita pa. Pero hindi nila alam ay narito na ako at makikita nila mamaya kung gaano kabastos ang lalaking papakasalan ko kung sakali.

Dumating na ang pinakahihintay ko. Oras na ng kasal namin at pumunta na ako kung saang nakapuwesto ang lugar. Luminga-linga pa ako dahil sa ganda ng tanawin dito at may nakita pa ako isang pigura ng lalaki. Tumingin siya sa akin at hindi ko ganoon nakita nang malinaw ang mukha niya dahil mayroon siyang shades na suot, at mukhang isa rin siyang guest dito pero hinayaan ko na siya't nagpatuloy na ako sa paglalakad kung saan magaganap ang seremonya ng dapat na kasal namin ni Neon.

Nang nakarating na ako ay nagulat ang lahat sa suot ko at narito na ako. Nakita ko rin ang nag-aalalang mukha ng magulang ko, ni Neon, at ni Ate. Ang galing nilang magpanggap, ah. Lumapit ang magulang ko sa akin at marami kaagad na silang binatong mga tanong pero hindi ko sila pinansin at saka ako naglakad papalapit kay Neon.

Binigyan ko kaagad siya ng mag-asawang sampal at lahat ng tao rito ay nagulantang dahil sa ginawa ko. Doon na tuluy-tuloy na mahulog ang aking mga luha. Ramdam na ramdam ko ang sakit dahil sa ginawa niya sa aking panloloko, at sa kapatid ko pa mismo. Lumapit kaagad ang magulang ko sa akin at nagsisimula na ring magkagulo rito.

"Bakit mo ginawa 'yon, Allison?!" galit na galit na sigaw ni Mommy. Malamang, pagtatanggol niya 'yong lalaking makakabangon sa amin mula sa kahirapan. Wala siyang paki sa maaari kong maramdaman basta para sa kanya, kailangan naming makaahon sa malaki naming utang.

Bigla na ngayong nag-play ang video na kung saan ayon ang ginawa nila ng kapatid ko kanina, marami ang tumingin doon at nagsilabasan ng cellphone nila para ganoon din nilang video-han. Wala nang tigil ang pagbuhos ng luha ko dahil nasasaktan din ako sa nakikita ko, hindi na ako makahinga nang maayos, hindi ko kinakaya. Masyadong mabigat sa akin. Gulat ang makikita sa mukha mula sa pamilya ko, pero ang pamilya ni Neon ay wala 'man lang karea-reaction.

"Kita mo na, Mommy? Ayan 'yong papakasalan ko?! Ayan ba 'yon sinasabi niyong aangat sa atin sa hirap? Ganyang lalaki ba?" tuluy-tuloy kong tanong sa kanya at humarap na rin ako kay Daddy na baka sakaling ngayon ay may sasabihin siya, pero wala. Wala siyang sinabi kahit isa. Nagsisisigaw na si Mommy na itigil ang pag-play sa video na 'yon, at natigil na nga ito.

Galit na galit na si Mommy at lumapit na siya sa akin. Sinampal niya ako at napahawak ako sa aking pisngi dahil sa sakit. Tumingin ako sa kanya, patuloy na nahuhulog ang mga luha ko. Ibang epekto kung ang magulang mo mismo ang nakapanakit sa 'yo.

"Kailangang matuloy itong kasal na ito, at kung hindi ikaw, ang Ate mo na lang!" malakas na sigaw ni Mommy at saka lumapit sa pamilya ni Neon. Tumingin ako kay Daddy, hawak-hawak ko pa rin ang pisngi ko dahil sa sakit. Nagsusumamo ako sa kanya na ipagtanggol niya naman ako, pero umiling lang si Daddy.

"Kailangan. Kailangang maituloy ito." Tumalikod na si Daddy at tumingin ako sa mga tao sa gilid at animo'y ako pa ang pinandidirian nila, na parang kasalanan ko pa. Hindi ko na kinakaya ang sakit at galit na nararamdaman ko, umalis na ako't pumunta sa lugar na kung saan na alam kong kahit papaano ay makakalimot ako, kahit saglit lang.

Pumunta ako sa isang kilalang bar, at saka ako uminom nang uminom. Sigaw ako nang sigaw rito, at kung sinu-sino ang pinagsusuntok ko dahil sa galit. Nakayanan ko naman ang sarili ko pero mayroong grupo ng lalaking papalapit sa akin, at susugurin ko na dapat sila pero agad naman silang lumayo.

Lasing na lasing na ako, wala na ako sa aking sarili. Tumalikod na ako para uminom ulit, at nanlaki ang mata ko dahil nakita ko ang lalaking kanina ko lang kakakita. Bakit narito 'to? Anong ginagawa nito rito? Nakita ko kung paano siya ngumiti at tinitigan ko pa siya nang masama para matakot siya.

Umirap ako sa kanya at tumalikod na para uminom pa ulit. Humakbang ako at bigla akong na-out of balance, napapikit ako dahil alam ko nang mahuhulog na ako, pero mayroong sumalo sa akin mula sa likod. Ang sakit na ng ulo ko, parang umiikot na ang lahat sa akin. Hinayaan ko lang alalayaan ako ng kung sinuman dahil hindi ko na talaga kaya, hindi ko na alam ang ginagawa ko, minulat ko ang aking mga mata at nakikita ko ang mukha ni Neon kaya hinalikan siya bigla.

Pagkatapos ng halik na 'yon ay nagulat ako dahil ang lalaki pala mula kanina. Nakita ko na nang malapitan ang mukha niya at hindi ko maiwasan na matigilan sa guwapo niyang mukha. Kaagad ko naman siyang niyakap dahil nahiya ako. Pero ngayon lang, kahit ngayon; gusto kong makalimot.

"Make me forget what happened today," I begged him, even though I don't know him personally. But I just wanna forget everything just for now. I want to get away with this one. Just for one night, I want something. I heard his sexy laugh and I was turned on by that, he looks sexy and handsome as well. I can't get away my eyes from him, he looked like a god. My heart beats so fast and I feel like he could hear it.

I saw how he smirked. "My pleasure," he said huskily. I saw how he grinned, and after that, everything went black to me.

----------------------------------------------------------------------------------------------------------

:>