Chapter 23

Humarap ako sa kanya at saka ko siya binigyan ng tingin na nagtataka dahil sa nakasulat na lettering doon. Anong 5 months? Happy? Married? Alam ko naman ang ibig sabihin no'n, gusto ko lang ng kalinawan dahil hindi ko maisip na ganito? Maghahanda siya ng ganito para lang do'n? At saka ito ang tawag na monthsary ba 'yon? 

Gulung-gulo na ako. Gusto ko makuha ang kasagutan pero itong lalaki naman ay nakangiti lang na parang t*nga. Tumingin naman siya sa akin at nagbago ang timpla ng kanyang mukha dahil sa binibigay ko sa kanyang tingin.

"What?" inosente niyang tanong. Umiwas ako ng tingin sa kanya at nakumpirmi ko na nagce-celebrate nga kami ng monthsary namin na kasal kami. 

"Is this?" dahan-dahan kong tanong at hindi ko kayang ipagpatuloy ang sunod kong gustong sabihin at alam kong alam niya na ang ibig kong sabihin.