Chapter 2: Multo Ng Kahapon

Isang araw ay niyaya ito ng kanyang ama na uminom at sa pakikisama ay pumayag ito.  Ngunit hindi pala sanay ang mayaman na binata sa inuming inilatag ng kanyang ama. Medyo gabi na noon nang makabalik si Yuna mula sa paglalako ng paninda at nadatnan  niyang lango na sa alak ang ama at ang binatang bisita nito. 

Hahayaan na sana niya ang mga ito sa labas nang biglang umambon at mababasa ang  dalawa. Unang binuhat at kinaladkad ni Yuna ang ama at ihiniga sa sofa saka niya isinunod ang  binatang bisita. Dahil maliit at lupa ang kanilang sahig ay sa silid niya ito dinala at pinahiga muna. Saka  niya niligpit ang pinag-inuman ng mga nito. 

Ang kaso ay habang nagliligpit ay bumuhos ang malakas na ulan na may kasamang malakas  na hangin at kulog. Halos basang-basa si Yuna. Nagpalit na lamang ng damit ang dalaga at sumiksik sa isa pang maliit na sofang kawayan. Pero mga hating gabi ay naramdaman niya na para siyang binuhat at pagkatapos ay  inilapag sa kama. Mainit ang pakiramdam niya kaya akala ng dalaga ay nilalagnan  siya sa pagkabasa ng ulan. Naramdaman niyang may nagtanggal ng damit niya pero hindi magawang magmulat ni Yuna. 

Inisip niya na baka ang kanyang ama iyon at binibihisan siya dahil pawisan na siya.  Naramdam pa nga niya na kinumutan siya. Sa buong magdamag na iyon ay tumaas pa  ang lagnat niya kaya nakaramdam ito nang matinding ginaw. Sa nagdedeliryong taas ng lagnat ay sumiksik si Yuna sa katabing nararamdaman niyang mainit ang katawan. Naramdaman niyang niyakap siya nang mahigpit ng may-ari ng mainit na  katawan.

Galit na galit na boses ng ama ni Yuna ang gumulantang sa kanya kinabukasan. Pagbalikwas niya ay nakita niyang yakap siya ng lalaking bisita nila at wala silang parehong  damit. Naghurumentado ang kanyang ama at binantaan si Felix na kung hindi siya  pakakasalan ay kakasuhan nito ang lalaki. Disisyete lamang si Yuna noon kaya walang nagawa ang lalaki. Pumayag si Felix na pakasalan siya.

Napapitlag si Yuna mula sa pagbabalik-tanaw nang pabalibag na bumukas ang pinto ng banyo. Mula doon ay lumabas si Felix na nakatapis lamang ng tuwalya ang ibabang bahagi ng katawan. Hindi maikakailang napakagwapo nitong tingnan sa basang buhok pero kunot ang noo at madilim ang awra ng mukha nito. Biglang nagkulay-suka ang mukha ni Yuna nang makita kung ano ang nasa kamay ni Felix.

“What nonsense is this?” tanong ni Felix sa kanya. Nataranta si Yuna, hindi nga pala niya naitago ang kit na iyon sa kalutangan niya kanina! Sa dinami-dami naman ng pagkakataon bakit ngayon pa gumana ang pagkaburara niya?

“P-pasensya ka na. Sinubukan ko lang kasi baka lang ano….” Hindi magawang idiretso ni Yuna ang sasabihin.

“Ilang ulit na ba ito? Bakit mo naman naisipang bumili pa nito? Umaasa ka  pa ba?”

“Pasensya ka na. Gusto ko lang malaman kung p-positive na kasi gusto kitang mapasaya,” sabi niya at yumuko upang itago ang pait at lungkot na nadarama sa walang emosyon nitong mga salita na para bang hindi mahalaga ang nakikita.

“Oh, eh binili mo na din lamang ito, bakit hindi mo pa gamitin? Gamitin mo na para  makuntento ka na dyan!” sabi ni Fleix na medyo mataas ang boses. 

Nataranta naman si Yuna kaya agad na kinuha ang ibinato sa kanyang ng pregnancy kit at  agad-agad na ginamit.  Napasandal sa likod ng pinto si Yuna nang makitang isang linya lamang na pula ang naroroon.  Mga katok sa pinto ang nagpahinto nang masagana niyang luha.

“What took you so long? Natabunan ka na ba riyan?” sabi ni Felix kasabay nang sunod-sunod  na katok. Lumabas siyang umiiyak habang nakatago sa likuran ang pregnancy kit.

“Anong drama yan? Akin na nang makita ko!” bulyaw nito na sapilitang hinablot ang  hawak niyang pregnancy kit. Hindi niya maipaliwanag ang naging reaksyon nito nang makitang isa lamang ang linyang naroroon. Madilim ang mukha nito pagkatapos ay itinapon sa sahig ang kit saka pinag-aapakan.

"This is useless and bullshit! Ano pa nga ba? Bobo na lang ang umasa!” singhal nito at kulang na lang ay durugin ang kit.  Umiiyak na niyakap ni Yuna si Felix mula sa likuran.

“I’m so sorry! Alam kong naghihintay ka ng magandang balita. I’m sorry. Pangako, aalagaan  ko ang sarili ko para sa susunod ay magkaroon na ng magandang resulta,” sabi niya.

Kinalas ni Felix ang mga  kamay niya pagkatapos ay naupo na sa kama. Wala itong kibo at lalong walang ring sinabi. Hindi siya nito tinitingnan kaya alam ni Yuna na  dismayado ito. Sa edad ni Felix, alam niyang nangangarap na ito ng buong pamilya… lalo na ng anak. Kaya alam ni Yuna na sa kanilang pagsasama iyon ang pinakakulang.

Alam din  ni Yuna na kapag nagdalang tao siya ay ipapakilala na siya ni Felix sa mga tao bilang asawa. Hindi na nito itatago ang kanilang pagsasama. Pumayag itong magpakasal sa kanya upang makaiwas na rin sa eskandalo pero  pinakiusapan nito ang ama na huwes lamang ang kasal at kung maaari... ay sekreto lamang dahil ayon dito lilikha ng gulo sa kumpanya at mga kamag-anak niya ang biglang pagpapakasal nila.

Kinabukasan ng araw na iyon ay inasikaso ni Felix ang passport nila ng kanyang ama at sa US sila nagpakasal. Sumang-ayon na lamang ang ama mula nang mabayaran ng isang milyon. Wala pang  tatlong araw sila sa Amerika at umuwi din sila. Ang ama ay bumalik sa bahay nila at  siya ay sa mansyon ni Felix na inuwi ng asawa. 

Ang kanilang honeymoon ay sa silid lamang ni Felix naganap. At doon nagsimula ang kalbaryo at impyernong pakiramdam ni Yuna. Doon niya natikman ang pinakamasakit na  trato sa isang asawa.

“Ipaghanda mo na lang ako ng damit. May pupuntahan pa ako,” sabi na lamang ni Felix.

“Aalis ka na naman? Kararating mo lamang diba? Pwede bang kumain muna tayo?” sabi ni  Yuna.

“May mahalaga akong meeting ngayon at kailangan ko pang lumuwas ng  bansa bukas ng maaga. Umuwi lang talaga ako para kumuha ng damit at para dalawin ka,”  sabi nito.

“Dahil sa akin o dahil sa pangangailangan mo?” medyo bitter na tanong ni Yuna.

“Magsisimula na naman ba tayo? Pagod ako!” singhal ni Felix. Nainis ito sa kanya kaya ito na ang kumuha ng isusuot. Nataranta naman si Yuna kaya agad na tumayo at tinulungan  ang asawang magbihis at magkabit ng kurbata.  Pero hindi na bumalik ang mood ni Felix.

Hindi man lang siya niyo tinapunan ng tingin. Matapos magbihis ay muli na namang nawala sa  paningin niya ang asawa. Pakiramdam na naman ni Yuna ay para siyang laruan na ginamit lamang na libangan at kapag mapagsawaan na ay iiwan  na lamang ng walang pasabi sa isang sulok at babalikan kung kailan ulit nito kailangan na naman.