Chapter 1

"Ano ba ang gusto mong mangyari, ang bumalik ako doon at maging Mrs. Madrigal ulit o ang manatili ako dito bilang si Elise lamang at hindi saklaw ng sinuman?" Hindi nakapagsalita si Kevin ang sandaling iyon, Ano nga ba ang gusto niya? Ano nga ba ang sigaw ng kanyang puso.

Kung tutuusin, mas gusto niyang nandito na lamang si Elise sa condo nya nitong mga nakaraang linggo ay malaya ito at walang nagmalupit. Walang iniisip na asawa hindi asawa ng sinuman. Hindi katabing matulog ng sinuman.Higit sa lahat, malaya niyang naalagaan.

Kapag ibinalik nya si Elise sa mansion,kahit igiit pa ni Kenzo na nakikipaghiwalay na ito at hindi mahal sng hipag niya. Hangga't hindi pa nagagawa ang annulment. Si Elise ay mananatiling asawa ni Kenzo. At kung nasa mansyon si Elise at malaman na buntis ito sa anak nila ni Kenzo.May posiblilidad na mamgbago ang kapatid dahil alam ni Kenzo ang tungkol sa tagapagmana"muni-muni ni Kevin hanggang sa kinilabutan dahil sa huling sumagi sa isipan niya.

Paano nga kaya kapag nagbago ang plano ni Kenzo dahil sa bata? Paano na? tanong ni Kevin sa sarili. Sa katahimikan sagot ni Kevin ay lalong napaiyak si Elise. Hindi kase niya masabi sa binata na ayaw na niyang bumalik doon at maging asawa ni Kenzo dahil mas gusto niya ang naririto sa condo at lalo pa na nalaman niya na bahay ito ni Kevin at si Kevin ang nag aaruga sa kanya. Sino bang tanga ang babalik pa sa mansion. Mas nanaisin na niya ang tagong ganito kesa maging legal.

Nanatili ang katahimikan at nagtagal ng ilang segundo.Hindi makapagdesisyun si Kevin, mas malakas ang bulong ng puso niya kesa sa isipan, ang kagustuhan niyang makasama si Elise kahit palihim ang nangingibabaw. Dahil sa pananahimik ni Kevin at hindi agad nakasagot ang binata ay nasaktan si Elise. Pakiramdam niya ang ginagawa na naman na ito ni Kevin ay para sa tama at hindi na naman para sa sarili nito.

Hanggang ngayon ay mas pinipili pa rin ni Kevin na iayos ang lahat base sa tama at hindi ang sundin kung ano ang nasa puso nito.

Naiyak si Elise dahil kanina lamang ay kakasabi lamang ng binata na gustong-gusto siyang alagaan nito noon pa man, na hindi na nito nagugustuhan ang ginagawa ni Kenzo sa kanya, na ang lahat ng mga halik nito ay makahulugan. Pero ngayon pa lang ay hindi makasagot ang binata sa mga posibleng mangyari.

Dahil sa naisip ay lalong tumindi ang pag-iyak ni Elise at nakita iyon ni Kevin at hindi niya nakayanan.

Kaya mabilis na humakbang si Kevin at niyakap ang luhaang hipag na nakasandal pa rin sa pinto. Hindi ito nagsalita, wala itong kibo, tahimik lang na niyakap si Elise at pagkatapos ay hinawi ang buhok inipit sa kanyang tenga at paulit-ulit na hinalikan si Elise sa noo. Yakap at halik na walang katapusan iyun lang ang naisagot ni Kevin sa tanong ni Elise.

Pero alam ni Elise na kailangan niyang magdesisyon dahil kung hindi, alam niyang mabibigyan niya ng mabigat na suliranin ang tanging lalaking nagpapahalaga sa kanya sa ngayon. Kaya nag-isip si Elise ng magagawa niya kung ano man ang request ni Kevin pero dapat may kondisyon. Dahil hindi na siya papayag na bumalik doon bilang asawa ni Kenzo.

"Sige Kevin, total alam kong ginagawa mo ang lahat ng ito dahil sa mga habilin ng lola mo. Alam kong ginagawa mo lahat ng ito dahil ikaw ang panganay ng mga Madrigal at alam kong sinusunod mo ang isip mo. Pero babalik lang ako doon sa isang kondisyon," saglit munang huminto si Elise. Nakita naman niya ang pagkabigla sa mukha ni Kevin.

"A-Anong kondisyon yun Elise?" Kinakabahang tanong ni Kevin.

Natatakot siya sa magiging kondisyon ng dalaga hindi pa niya ito napag-iisipan. Hindi pa niya ito talaga napaghandaan. Biglaan kasi ang pangyayari, biglaan ang pag-alis ni Elise. Biglaan ang lahat pati ang desisyon ni Kenzo. Hindi niya talaga inaasahan iyon.

Sinisimulan pa lamang sana niyang iayos ang lahat pero heto at nabuking naman agad ni Elise ang lihim niyang pagtulong. Kung siya naman talaga ang masusunod ay hindi siya papayag na ibalik si Elise sa mansion ng ganun-ganun lang at lalo na ang ibalik ito nilang asawa pa ni Kenzo. Iyon talaga ang una niyang balak pero nag-aalala na siya kay Elise at nalaman niyang buntis ito sa anak nila ni Kenzo ay naging komplikado ang lahat.

Tinitigan muna ni Elise ang binatang bayaw at pinagaralan ang galaw ng mga mata nito bago sumasagot. At alam ni Elise magugulat ito sa sasabihin niya.

"Papayag akong bumalik sa mansion pero hindi na bilang asawa ni Kenzo." determinadong sabi nito.

"Anong ibig mong sabihin?" naguguluhang tanogn ng binata.

"Madali lang ang kondisyon ko ganun lang kasimple. Hindi ba't ang mahalaga sa inyo ay ang batang dinadala ko? Pwes babalik ako dun bilang si Elise lamang, doon ako titira. Pero dun ako sa silid mo matutulog. Nasa sayo yun kung ayaw mong umuwi. Pero hinding-hindi ako matutulog sa silid ni Kenzo. Lalong hindi rin ako pa-aapi sa babaeng inuwi ni Kenzo." sabi ni Elise.

"Lalong hindi mo ako mapapatulog sa guest room. Dahil sabi mo nga ako ang may ari ng bahay na yun. Iyon ang kondisyon ko Kevin, Uuwi ako dun pero dun ako sa silid mo matutulog. Sabihan mo rin yung mga katulong na hindi ako ituturing na misis pa ni Kenzo kundi ituturing ako kasintahan mo," Sabi ni Elise.

"Ano...!" laking gulat ni Kevin sa sinabing iyon ni Elise.

"Teka lang, Elise, naririnig mo ba yang sinasabi mo?"

"Oo? Ano bang problema? Hiwalay na kami ni Kenzo nung pinalayas niya ako two months ago. Ang sabi niya aasikasuhin niya na daw ang mga papeles para maghiwalay na kami. Bagamat hindi pa siya tumatawag o nagpaparamdam sa akin dahil hindi naman niya alam kung nasaan ako. Pero sa palagay ko ay inaasikaso na nila ang mga papel ng aming hiwalayan.

"Elise, linawan mo ang isip mo hindi mo alam ang pinagsasabi mo."

"Bakit alam naman ng lahat ang paghihiwalay namin kaya kung saka sakaling ibabalik mo ako sa mansyon ay hindi na rin naman ako asawa ng isang Kenzo. Pero tulad nga ng sinabi mo, hindi ba't gusto mo kong manatiling Madrigal kung kaya't gusto kong palabasin mo sa kanila na pakakasalan mo ako. Na pagkatapos na ma clear ang divorce paper namin ni Kenzo ay pakakasalan mo ko para magkaroon ng ama ang anak ko," sabi pa ni Elise.

"Ano?" parang nainsulto si Elise sa reaksyon na iyon ni Kevin. Ang mga pagaasam niya sa mabulaklak na mga sinabi nito ay biglang naglaho at parang yelong mabilis na natunaw sa mainit na kawali. Napuno ng hinanakit si Elise kay Kevin. Kaya nagiba ng plano si Elise.

"Gusto kong yun ang palabasin mo. Pero huwag kang magalala kunwa-kunwarian lang iyon hanggang sa sapat na panahon para maiayos ang lahat," sabi lang niya para i-save ang damdamin sa sobrang kahihiyan.

Malinaw sa pagkagulat ng binata, ang totoong saloobin nito.

Kung ayaw ni Kevin sa mga kondisyon niya, mananatili na lang si Elise sa kinaroroonan nila. Kung hindi pumayag si Kevin, hindi na siya babalik sa mansyon at hindi na makikilalang Madrigal ang anak niya. Kung ayaw ni Kevin na doon siya tumira, aalis na lang sila ng anak niya. Iyon ang pasya ni Elise.

"Elise......!" halos hindi nakakibo si Kevin, hindi niya napag isipan ang ganung bagay. Hindi niya akalain na maiisip ito ni Elise. Matagal na natahimik si Kevin kaya lalong nasaktan si Elise, lalong bumigat ang kalooban niya, lalo siyang nawalan ng pagasa.

"Kung wala ka ng sasabihin, gusto ko nang magpahinga Kevin, pagod na ang utak ko pati ang kaluluwa" aniya. Pagkasabi noon ay binawi ni Elise ang kanyang kamay na hawak pa rin ng binata.