ALIYA'S POV
Hindi ko alam kung mahihiya ba ako o magagalit dahil sa lalaking iyon. Malay ko bang sa kaniya 'yon. Tsk!Kinuha ko na ang dalawang malalaking bag at aalis na sa lugar nang may dalawang lalaking papalapit sa akin. Lumingon-lingon pa ako kung sa akin ba sila papalapit at napagtanto kong sa akin nga dahil sa akin sila nakatingin. Ni hindi ko nga sila kilala kaya nakapagtataka lang na papalapit sila.Akma na akong tatakbo nang hawakan nila ang magkabilang braso ko. Hindi na nga ako nakapalag pa dahil mabigat ang mga dala kong bag."Teka lang naman mga kuya, hindi ko kayo kilala kaya bakit niyo ako kinukuha?" mahinahon lang ang pagkakasabi ko habang pilit na iwinawaksi ang aking mga braso sa kanilang mga makakapal na kamay. "Teka lang, ano ba? Sisigaw ako, isa, dalawa, tatlo, aba ayaw niyo talaga akong bitawan ah."Nagpupumiglas na ako pero wala silang pakialam. Ipinasok na nga nila ako sa loob ng itim na van. Akala ko pa naman ay puting van ang nangunguha, hindi nasabi sa balita na pati itim na van nangunguha na rin. Sana ay nalaman ko kaagad at nang maalerto ako. Paalis na ang van nang magsalita ako."Mga kuya, pakikuha naman po ng dalawang bag na naiwan sa labas. Mga gamit ko po iyon, wala na po akong susuotin kung maiiwan ang mga 'yon," pakiusap ko sa kanila.Napabuntonghininga pa ang isa sa kanila bago lumabas. Pagbalik niya sa van ay bitbit na niya ang dalawang bag at inilagay sa likod na bahagi ng sasakyan."Salamat, kuya ah," wika ko habang nakangiti.Wait lang? Kinuha ako ng mga hindi ko kilalang mga lalaki tapos nakangiti pa ako? Dapat sumisigaw ako sa mga puntong ito. Isa, dalawa, tatlo."Ahhhhhhh! Tulong! Tulungan niyo ako! Tulong! Tulungan niyo ako sa mga lalaking ito. Hindi ko po sila kilala! Tulong!" sigaw ko pero napatigil ako nang sigawan ako ng drayber."Tumigil ka!" bulalas niya."Tara na," saad ng lalaking kumuha ng bag ko. Dahil sa sinabi nito ay umandar na nga ang sasakyan."Saglit lang, saan niyo ba ako dadalhin ah? Atsaka, kahit na kunin niyo ako eh wala kayong makukuha sa akin. Mahirap pa ako sa daga, ni wala na nga akong mga magulang. Kung kidnap for ransom ito ay pasensiya na, walang makapagbibigay sa inyo ng pera," paliwanag ko sa kanila nagbabaka-sakaling palabasin na nila ako pero tahimik lang silang tatlo. "Totoo ang mga sinabi ko. Wala kayong mapapala sa akin dahil mahirap lang talaga ako. Mali kayo ng kinuha mga kuya," natatawang wika ko at pumalakpak pa."Daldal mo pala, ano?" naiinis na tanong ng lalaking katabi ko. Hindi siya 'yong kumuha ng mga bag ko at hindi rin siya ang drayber."Minsan, oo, minsan, hindi. Depende sa kung sino ang kasama ko," kaswal na sagot ko sa kaniya."Eh ito, kaya mo pa bang mag-ingay sa oras na itutok ko ito sa iyo?" Itinaas niya ang isang bagay na nagpamulat nang husto sa aking mga mata."T-Teka lang, k-kuya, tatahimik na p-po ako," nanginginig na wika ko.Ngayon lang ako nakakita sa malapitan ng isang baril. Hindi ko alam na ganito pala ang pakiramdam.Hindi na nga ako nagsalita pa pagkatapos noon. Sobrang natakot talaga ako.Ilang oras din ang biniyahe namin bago narating ang isang lumang warehouse. Napakalaki nito at kinakalawang na ang paligid.Sobrang higpit ng pagkakahawak nila sa mga braso ko. Akala naman nila tatakas ako eh baka hindi pa nga ako nakakalimang hakbang eh humandusay na ako sa sahig."Don Felix, andito na ang babae," wika ng lalaking drayber sa lalaking nakatalikod na may suot na amerikana.Ilang saglit lang nang lumingon na ito. May katandaan na pala ito na hindi masyadong halata habang nakatalikod ito.Talikod ka na lang ulit, sir.Bigla akong kinabahan dahil sa nakaharap nitong awra. Para bang sa ilang segundo lang ay puwede niya akong bawian ng buhay. Pamilyar ang kaniyang mukha, oo, siya 'yon, siya iyong--ito pala ang unang beses na nakita ko siya. Ang mangmang ko talaga, inisip ko pa kung saan ko siya nakita eh dito pala ang una.Hindi ko alam kung ano ang kailangan niya sa akin. Kung bakit pinakuha niya ako sa mga ulupong niya.Nanlaki ang aking mga mata nang maisip kung anong klaseng mga tao sila."Sindikato po ba kayo?" mahinang tanong ko sa matandang kinakaharap ko ngayon.Konting katahimikan ang namayani sa buong paligid bago ko marinig ang malakas na tawa ng matanda, at pagkatapos ay sinundan ng malalakas na tawa mula sa mga ulupong niya. Hindi ko alam kung bakit sila nagtatawanan kaya pilit na tumawa rin ako."Nakakatawa ka pala, binibini," sabi ng matanda sa akin habang tumatawa pa rin pero ngayon ay mahina na."Ako po? Naku! Balak ko nga po sanang mag-apply bilang stand-up comedian. Baka bilang comedian po talaga ang itinadhana sa akin kaya ako laging natatanggal sa trabaho," saad ko."Naku! Naku! Naku! Hindi ko alam na mahilig si Velasquez sa mga ganitong klaseng babae," wika nito sabay talikod sa amin.Velasquez? Ganitong klaseng babae? Ano ang ibig sabihin ng matandang ito?"Sino po si Velasquez?" mahinahong tanong ko rito. Ngayon ay nakaupo na ito."Hindi mo kilala si Velasquez?" tanong niya sa akin.Tatanungin ko ba kung kilala ko? Ang matandang ito naman oh nakakatawa rin."Hindi po, sir," sagot ko.Tumawa na naman ulit ito."You're funny, I like you."Nanlaki ang aking mga mata sa sinabi ng matanda. Gusto niya ako? Aba! Alam kong mahirap lang ako, pero hindi ako papatol sa lalaking ito. Baka mamaya may asawa't anak pala siya, eh 'di naging kabit pa ako. Baka masampal ako ng aking ina dahil doon. Ay, wala na pala akong ina.Magsasalita pa sana ako nang hilahin ako ng dalawang lalaking nakahawak sa akin. Pati itong dalawa, ni hindi dahan-dahanin ang paghila sa akin. Balak pa atang tanggalin ang mga braso ko.Ipinaupo nila ako sa isang kahoy na silya at tinalian ng pagkahigpit-higpit. Gusto ko sanang sabihing hindi naman ako tatakas kaya hindi na nila kailangang higpitan pero natatakot ako dahil baka bigla na lang nila akong tutukan. Mahirap na. Gusto ko pa magkaasawa at magkaanak.Umalis na sila pagkatapos akong talian pero may isang dumating na lalaki, bago lang siya sa aking paningin. Lumapit siya sa akin at nilagyan ng tape ang aking bibig. Aba! Sa itsura pa lang ng lugar na ito, makakahingi ba ako ng tulong gayong wala namang mga kabahayan sa paligid? Inirapan ko pa ang lalaki nang umalis ito. Irap na lang, hindi ako makapagsalita eh.Hindi ko alam kung dito na ang katapusan ko pero sana naman ay hindi pa. Andami ko pang pangarap na gustong matupad. Gusto ko pang pumunta sa mga bansang gusto kong pasyalan. Gusto ko pang ikasal sa taong mahal ko at magkaroon ng isang dosenang anak. Dami 'di ba? Pero syempre, bago ang lahat ng iyan eh sana magkaroon muna ako ng stable na trabaho, 'yong hindi ako tatanggalin nang walang dahilan.Sana may mangyaring fairytale, tipong may darating na knight in shining armor para ipagtanggol ako. Makikipaglaban sa mga taong ito tapos magkakatitigan kami at bibilis ang tibok ng aming mga puso. Pero syempre fairytale 'yon, malayo sa totoong buhay kaya hindi na ako magtataka kung hinding-hindi iyon mangyayari.Napabuntonghininga ako at nakakaramdam na rin ng gutom. Ilang oras na rin mula nang dalhin at itali ako ng mga lalaking iyon dito. Sana naman ay bigyan nila ako ng pagkain kahit konti lang, pantawid-gutom kumbaga.Nakaramdam ako ng saya nang may papalapit sa akin at may dalang pagkain at tubig. Gusto kong lakihan ang aking ngiti pero hindi ko pala magawa, may nakadikit na tape pa rin kasi sa bibig ko."Kumain ka na," inilapag nito ang pagkain at tubig sa baba at tinanggal ang tape sa aking bibig at ikinalas ang tali."Kanina ko pa kayo inaantay na bigyan ako ng pagkain, pero ngayon lang kayo nagbigay. Pero huwag kang mag-alala, hindi na ako galit dahil dinalhan mo na ako," nakangiting wika ko.Seryosong tiningnan muna ako ng lalaki bago ako talikuran.Kumain na nga ako dahil sa gutom na gutom na talaga ako. Subo ng kanin tapos iinom ng tubig. Ilang minuto lang nang matapos na akong kumain. Bumalik ang lalaki at itinali ako ulit. Excited ah. Dinikitan na niya ulit ng tape ang bibig ko atsaka umalis na bitbit ang pinagkainan ko.Sobrang tahimik ng paligid pero nawala iyon nang malalaking hakbang ang papalapit sa akin. Base sa aking nakikita mula sa hindi kalayuan ay papalapit nga ito sa akin, isa sa kanila ay ang matandang lalaki. Tinanggal ng isa sa kanila ang tape sa bibig ko."Sa tingin ko ay ikaw ang susi para pumunta rito si Velasquez," sabi sa akin ng matandang lalaki.'Yan na naman tayo sa Velasquez na 'yan. Sinabi ko na sa matandang ito na hindi ko kilala ang Velasquez na pinagsasabi niya. Tigas naman ng ulo."Sinabi ko na sa inyo na hindi ko kilala ang Velasquez na 'yan. Nasaan ba kasi ito at nang makita ko?"Sa pagkakaalam ko, wala akong naging amo na Velasquez kaya nalilito na ako kung sino 'yan.Kita ko ang pagsenyas ng matanda sa lalaking nasa tabi nito. Ano ang ibig sabihin ng senyas na iyon? Kumilos na ang lalaki at pumwesto sa harapan ko. Itinapat nito sa 'kin ang cellphone na hawak at ilang sandali lang ay umalis na siya sa harapan ko. Ipinakita niya sa matanda ang cellphone at may sinenyas na naman ang matanda sa kaniya.Teka! Kung itinapat niya ang cellphone niya sa akin, ibig sabihin..."Teka lang!" sigaw ko na ikinabigla nila. "Bago mo ako kunan ng litrato, sana nagsabi ka na kukunan mo ako at nang makapag-pose ako," mahinahong wika ko.Napatigil sila pero hindi ako pinansin. Napakaseryoso ng mga mukha nila. Ibinalik na ulit ng isa sa mga lalaki ang tape sa aking bibig kaya hindi ako nakapagsalita ulit.Kainis naman oh! Hindi pa ako nakapag-pose.THIRD PERSON'S POV"Velasquez," nakangising tawag ng matanda sa nagngangalang Velasquez."Ano ang kailangan mo, Don Felix?" tanong sa kabilang linya."Well, mukhang hindi ako ang kailangan mo," sagot ng matanda. "Mukhang ikaw ang kailangan niya," dagdag pa nito.Nagtaka ang lalaki sa kabilang linya kaya napatanong siya sa matanda."Ano ang ibig mong sabihin?""Hindi ko alam na mahilig ka pala sa mga babaeng katawa-tawa."Mas nagtaka ito dahil sa sinabi ng matanda."Puwede bang diretsuhin mo na ang nais mong sabihin?" bulalas nito sa matanda.Naiinis siya kapag binibitin siya."Relax, sasabihin ko na kaya relax," wika ng matanda. "Nasa amin ang girlfriend mo. Hindi ko alam na nagka-girlfriend ka pala ulit.""Girlfriend?""Tingnan mo ang litratong ipinasa ng aking tauhan sa iyo," utos ng matanda.Dali-daling tiningnan nga nito ang tatlong litrato.Ang unang litrato ay ang pakikipag-usap niya sa isang babae. Ang pangalawa ay pawang hinalikan niya ito base sa anggulo ng kuha. Ang pangatlo
ALIYA'S POV"Saan natin siya ibababa, sir?" tanong ng drayber sa katabi ko. Medyo nakalayo na rin kami sa bodega na 'yon. Ngayon ko lang din nalaman na amo pala nila itong lalaking katabi ko."Diretso tayo sa bahay," sagot nito."Huwag na," pagtutol ko. "Sa bahay ko na lang. Doon niyo na lang ako ihatid," dugtong ko kahit wala naman talaga akong matutuluyan ngayon.Tiningnan ako ng katabi ko at ng isa pang lalaki na sa tingin ko ay kaedad ko lang. Guwapo rin ang isang ito ah at mukhang mas mabait kesa sa katabi ko."Mukhang may bahay ka pa sa lagay mong 'yan?" wika niya. Natahimik ako dahil sa sinabi niya. "Tingnan mo nga ang sitwasiyon mo. Sabi mo kanina ay dala mo lahat ng mga gamit mo so, bakit dala-dala mo lahat ng mga gamit mo kung may bahay ka pa?" tanong niya sa akin.Gusto kong umiyak sa mga oras na 'to dahil sa sinabi niya. Oo, aaminin ko, wala na akong matutuluyan dahil pinalayas ako sa tinitirhan ko. Gusto ko sanang sabihin sa kaniya pero huwag na lang. Mas magmumukha lang
ALIYA'S POV"To my office. Now," diing wika niya habang nakatingin sa akin. Sakto naman ang pagdating ni Jacobe kaya medyo nabawasan ang kaba ko.Sinenyasan ako ni Jacobe na sumunod na kaya nagsimula na akong maglakad. Si Jacobe ay nakasunod lang din sa akin. Bawat sampung hakbang ay lumilingon ako sa kaniya. Pinapaalala niya sa akin na huwag mabahala kaya sa harap na ulit ang tingin ko.Pumasok kami sa isang silid na siyang opisina ni sungit. Malaki ang opisina niya. Sobrang linis at organisado. Umupo ito at sinenyasan niya akong umupo sa upuang kaharap ng kaniyang mesa. Tahimik na naupo ako habang si Jacobe ay nakatayo lang. Sinulyapan ko si Jacobe pero nagulat ako nang magsalita si sungit."Sino ang nag-utos sa iyo na manguha ng mga bulaklak sa hardin?" madiin ang boses na tanong niya. Nilingon ko si Jacobe at nagsalita ito. Hindi ko alam ang gagawin dahil sa kaba."Gusto niya pong mamitas ng mga bulaklak kaya sinabi ko po sa kaniya na puwede," sagot ni Jacobe. Seryoso lang ang muk
ALIYA'S POV"Ayan, mas maganda na itong kuwarto," nakangiting wika ko nang mailagay na sa isang maliit na mesa sa tapat ng sofa ang flower vase. "Mas maganda na ang aking umaga gayong makakakita ako ng puting rosas sa oras na magising ako."Pagkatapos nito ay naligo na muna ako dahil sa tingin ko ay iba na ang amoy ko. Malaki ang banyo na may shower na at palikuran. Mayroon ding bathtub. Nagsimula na nga akong maghubad. Nang mahubad na lahat ng aking kasuotan ay sisimulan ko na ang pagligo.Nilibot ko ang aking paningin dahil hinahanap ang pambukas ng shower. Ngayon ko lang napagtanto na hindi pala ako marunong magbukas ng shower. Nasanay ba naman ang isang tulad ko sa balde o 'di kaya'y planggana.Naisipan kong baka puwede ako makahingi ng tulong kay Jacobe sa pagbubukas ng shower. Oo, tama, si Jacobe nga ang kailangan ko ngayon. Sana ay nandiyan lang siya sa tabi-tabi. Akma na akong lalabas nang maalalang wala pala akong saplot. Naku po! Agad na kinuha ko ang tuwalya at itinapis sa
DEAN GAVIN'S POVAno itong aking nararamdaman? Bakit bumibilis ang tibok ng aking puso? Nakatitig lang naman ako sa mga mata niya pero bakit ganito?Dahil kanina pa kami nakatitig sa isa't-isa ay ako na ang pumutol ng titigang iyon."I am going back inside. Pumasok ka na rin at magpahinga," wika ko at siya'y tinalikuran na.Kahit na medyo nanghihina ang aking katawan ay pinilit kong bilisan ang aking lakad. I don't like this feeling. I don't want to feel this feeling again. Kailangan kong hindi maglalapit-lapit sa kaniya. Kailangan kong iwasan siya para sa ikabubuti naming dalawa.ALIYA'S POVSampung araw na akong nananatili sa malaking bahay na ito. Ang tanging ginagawa ko lang sa araw-araw ay kumain, matulog sa malambot na kama, ang maligo sa malamig na shower, ang libutin ang malawak na hardin, manood ng palabas sa telebisyon at titigan ang magandang water fountain. Masasabi kong napakaganda talaga ng aking buhay rito. Akala ko ay puro kamalasan ang dala ko sa buhay pero hindi pala
ALIYA'S POVAgad na nag-inat ako nang ako'y magising. Umiyak ako kagabi pero maganda ang tulog ko. Napangiti ako nang maalala ang nangyari kagabi. Niyakap niya ako. Sa wakas ay pinansin na niya ako ulit. Nagkausap kami. Iyon na ba ang simula ng pagiging namin sa isa't-isa? Sana nga.Bumaba na ako ng kama at pumasok sa banyo. Pansin ko ang bahagyang pamamaga ng aking mga mata nang humarap ako sa salamin. Grabeng iyak ko pala kagabi. Buti na lang talaga at dumating si Gavin dahil kung hindi, hindi ko talaga alam ang aking gagawin.Naghilamos na ako at lumabas na ng banyo. Inayos ko na ang aking sarili bago lumabas ng kuwarto. Nang madaanan ang hapag-kainan ay nakita ko si Gavin na nakaupo sa kaniyang puwesto. Mag-isa lang ito na siya namang nais niya. Ang pagkain niya ay halatang hindi pa niya nagagalaw. Mukhang may hinihintay ata siya. Sino kaya?Dahan-dahan akong lumapit sa refrigerator para kumuha ng maiinom nang mapatigil ako."Buti naman gising ka na," wika ng isang pamilyar na bos
JACOBE'S POVPapunta ako sa opisina ni Sir Dean nang makitang papalabas dito si Liya. Nagmamadali ito habang nakayuko. Sinundan ko lang ito ng tingin hanggang sa makapasok na ito sa kaniyang kuwarto. Nagtataka man ay tumuloy na ako sa opisina ni sir. Baka sakaling siya ang makasasagot ng tungkol dito.Pagpasok ko ay bumulaga sa akin ang mga nagkalat na papel sa sahig. Si Sir Dean naman ay nakasandal lang sa kaniyang upuan habang nakatalikod mula sa akin. Lumapit ako sa kaniya. Napansin ko ang isang litratong hawak niya at hindi mapigilang mabigla nang makita kung sino ang nasa litrato.Clara.Inalis ko ang aking pagkabigla at ngayon ay nagtanong."May ginawa ka bang hindi maganda kay Aliya?" diretsahang tanong ko sa kaniya. Inikot niya ang kaniyang upuan at tumingin sa akin."Sinabi ko lang ang mga dapat niyang malaman," mahinahong sagot niya. "Sinabi ko lang sa kaniya kung ano ang lugar niya sa pamamahay kong ito," dagdag pa niya."Ano ang ibig mong sabihin?" tanong kong muli."Kung
ALIYA'S POVBumalik na nga ako sa malaking bahay at dali-daling pumasok sa aking silid. Ang mga tauhan ni Gavin ay wala na sa sala kaya nang dumaan ako ay napakatahimik na.Wala na akong ibang ginawa sa silid kundi ang humiga. Paminsan-minsan ay pinupuntahan ko ang balkonahe para doon makalanghap ng sariwang hangin. Nang hapong iyon ay nakatulog pala ako kaya nang magising ay takipsilim na. Nag-inat ako ng aking mga braso atsaka bumaba na sa kama. Nagdadalawang-isip pa ako kung lalabas ako o hindi pero sa huli ay lumabas na lang ako. Sigurado akong wala pa si Gavin ngayon dahil ang uwi ng lalaking iyon ay mamayang alas otso. Eh alas sais pa lang.Dahan-dahan lang ang bawat hakbang ko at sobrang tahimik. Pinuntahan ko ang kusina kung saan naghahanda na ng mga pagkain sina Nanay Elsie. Sumilip lang ako at pagkatapos ay umalis na. Baka makaistorbo lang ako.Hindi ko talaga alam ang gagawin ko. Nagpalibot-libot na ako sa buong bahay. Bawat bulaklak na makikita ko sa loob ay lalapitan ko