CHAPTER 18

ALIYA'S POV

Gaya nga ng sinabi ni Gavin, maaga silang umalis ni Jacobe para tapusin ang mga gawain nito sa trabaho. Gaya lang din ng araw-araw na ginagawa ko sa bahay na ito, ako ay maglilibot sa malawak na hardin, pupunta sa bahay nina Nanay Elsie, manonood ng palabas sa telebisyon, at kakain kapag gugustuhin ko.

Nang matapos sa palabas na pinapanood ko, pumunta ako sa aking silid para tapusin ang librong binabasa. Medyo may kakapalan kasi ang libro kaya hindi matapos-tapos sa isang upuan lang. Pumwesto na ako sa may balkonahe at dinamdam ang preskong hangin habang nagbabasa.

HAPON na rin nang tumigil ako sa pagbabasa. Nag-inat pa ako dahil kanina pa ako nakaupo. Bumalik na ako sa loob at ibinalik na ang libro sa lagayan nito. Naglagay ako ng palatandaan sa huling pahina na binasa ko.

Lumabas na muna ako ng aking silid at pumunta sa kusina, nagbabakasakaling may makakain dahil nakaramdam din ako ng gutom. Mabuti na lang may nabiling grocery nitong nakaraan sina Ate Trina kaya may nak