CHAPTER 17

ALIYA'S POV

Ilang minuto rin nang dumating na sina Gavin kaya inayos na namin ang hapag-kainan. Akala ko nga ay hindi pa kakain si Gavin dahil hindi nga ito sumasabay sa kahit na sino pero nabigla ako nang mauna na itong maupo sa hapag-kainan. Baka gutom na, naisip ko na lang.

Lumapit na nga ako sa kanila at inilapag na ang mga kubyertos. Nabigla pa ito nang makita ako pero hindi ko na lang ito pinansin. Kahit si Jacobe ay nabigla rin.

Nang matapos na ang lahat ay nagsiupo na kami, pati na rin sina Nanay Elsie, si Ate Trina at Ate Irma. Sabi ko kasi na sumabay na sila sa amin. Ayaw pa nga sana nila pero mapilit ako. Syempre, pinaalam ko naman muna kay Gavin ang lahat at pumayag naman ito.

Nagsimula na kaming kumain. Si Gavin ang nasa pinakadulong bahagi ng mahabang mesa. Si Jacobe ang nasa kaliwa niya habang ako ay nasa kanan niya. Kaya ayan, hindi na kami magkatabi ni Jacobe dahil magkaharap na kami. Katabi ko si Nanay Elsie at katabi ni Jacobe si Kuya Elmer. Ang ibang tauhan ay nasa