Chapter 31

Umuwi ng araw na iyon si Jillian na naguguluhan. Madami sana siyang gustong tanungin Kay Lance pero halatang umiiwas ito. Ang dami nitong mga palusot tuwing susubukan niyang magtanong ng mga bagay tungkol sa pinsan nito.

Nahihiwagaan tuloy siya. Bakit ayaw nitong sagutin ang mga tanong niya? Ano bang meron sa pinsan nito?

"Saan ka nanggaling?" iyon ang bumungad kay Jillian pagkauwi niya. Naabutan niya si Paxton na nakasandal sa pintuan na para bang inaabangan talaga ang pag-uwi niya.

"Ahh. Nanggaling ako sa bahay. May inasikaso lang ako doon," sagot niya sa malumanay na boses. Hangga't maaari ay ayaw niyang makipag-away dito.

Ginabi na nga siya ng uwi dahil dumaan pa siya sa bahay nila upang siguraduhin na maayos ang lahat ng mga gamit na naiwan at walang makakapasok sa loob. Doon niya naramdaman ang paninibago. Sobrang tahimik ng kanilang bahay. Inatake siya ng matinding kalungkutan nang tuluyang mag-sink in sa kanya na nasa ibang bansa na ang kanyang mama at kuya Ruben.

Naisip tul