Chapter 1

Maica Delmundo, a well-known popular model for its long slender legs and smooth skin. May mahaba at alon-alon na buhok, matangos na ilong, mapula at katamtamang kapal ng labi na bumagay sa hugis oval niyang mukha, maputi na animo’y pinaglihi sa labanus at malabote ng coke na kurba ng katawan. Hindi maitatanggi ang kaniyang kaseksihan at ganda kaya maraming humahanga sa kaniya. Maging ilan sa sikat na celebrity ay iniidolo rin siya. Bukod sa ganda ay masasabi ring matalino siya. Naging cum laude siya noong gumraduate siya sa kaniyang kursong Bachelor of Science in Architecture ganoon din sa isa pang kursong kinuha niya na Bachelor of Science in Interior Design. Nasungkit niya rin ang pagiging topnotcher sa katatapos lang na board exam nito kaya ganoon na lang at paghanga sa kaniya ng nakararami. Ngunit hindi lahat at natutuwa sa kaniya. Marami ring may galit sa kaniya dulot ng inggit at selos. Ang iba kasi ay bumagsak ang career nang magsimula siya sa kaniyang fashion career. Sunud-sunod at ang paminsan pa nga ay sabay-sabay ang offers ng mga projects sa kaniya na hindi naman matanggihan ng kaniyang manager dahil iyon din naman ang kagustuhan niya. Lumaki kasi siya sa hirap. Ang kaniyang ama ay isang magsasaka samantalang ang kaniyang ina naman ay nag-aalaga lang ng kaniyang nakababatang kapatid na halos kapapanganak pa lang. Minsan niya nang sinabihan ang mga ito na lumipat na sa poder niya subalit mas gusto raw ng mga ito ang buhay sa probinsya. Tahimik lang at payapa hindi tulad sa siyudad kung nasaan siya kaya naman minabuti na lang niya na ipaayos ang kanilang bahay sa probinsya nang sa gayon ay maging komportable ang mga ito. Ayaw ding iwanan ng kaniyang mga magulang ang lupain nila sa probinsya lalo na at naging malaking parte raw ito ng kanilang buhay. Dahil sa pagsasaka ng ama kahit paano ay nagawa siyang itawid nito hanggang makapagtapos ng highschool. Samantala, nagkolehiyo naman siya sa tulong ng kaniyang kaibigan na ipinasok siya ng trabaho sa isang sikat na fast food chain sa Maynila. Doon na nga siya nakilala ni Mr. Milendez at inofferan bilang isang fashion model. Pinagbutihan niya ang kaniyang pag-aaral gayundin ang kaniyang pagtatrabaho para mailagay ang kaniyang buong pamilya sa ayos ngunit dahil nga sa pagtutol ng mga ito sa kaniyang mga plano sa kasalukuyan ay binigyan niya na lang ito ng maayos na buhay sa probinsya. Panaka-naka ay umuuwi siya sa kanilang bahay upang dalawin at kumustahin ang mga ito. Buwan-buwan ay sinisigurado niyang mahahatiran ang mga ito ng kanilang mga pangangailangan nang sa gayon ay masuklian niya naman ang pagpapalaking ginawa ng mga ito sa kaniya. Ganoon niya minamahal at tinitingala ang kaniyang mga magulang. Para sa kaniya, hindi niya maaabot ang kaniyang mga pangarap kung hindi dahil sa mga ito. Busog siya sa pagmamahal mula rito kaya ganoon na lang ang pasasalamat niya sa Diyos na napabilang siya sa pamilyang kinagisnan niya. Hindi man sila marangya noon, masasabi niyang hindi nagkulang ang mga ito sa pag-aaruga sa kaniya.

“Ms. Delmundo, mayroong usap-usapan ngayon na ikakasal ka na raw? Totoo ba ‘to?” tanong ng isang reporter nang makasalubong niya ito palabas ng building ng The Alpha.

“Totoo bang ang manager mo raw na si Denver Castillo ang siyang soon to be husband mo?” isa pang reporter ang humarang sa kaniya.

“No comment.” Iyon lang ang kaniyang naging tugon upang hindi na magtagal ang diskusyon. Isa pa ayaw na ayaw niya iyong may nakakaalam ng tungkol sa private life niya. Para kasi sa kaniya isa iyong mahalagang bagay na dapat hindi na isinasapubliko.

Kaagad namang hinarang ng mga gwardiya at kaniyang bodyguard ang mga nasabing reporters at binigyan siya ng daan hanggang makasakay siya sa kaniyang sasakyan.

“Maica, saan ba kasi nanggaling ang tsismis na ‘yan tungkol sa inyo ni Sir Denver?” tanong ng kaniyang kaibigan at personal assistant na si Julie.

“It’s not a rumor, Julie. Pero sana atin-atin lang ito. We don’t want this to go public.”

“OMG!” Kita sa mukha ni Julie ang pagkagulat dahil maski siya ay walang ideya sa mga nangyayari. “My gosh wala man lang akong kaalam-alam tapos mababalitaan ko na lang na may ganoong tsismis na. Ang galing naman ng mga stalker mo.”

“Well, I think it’s not the stalker’s problem kaya nag-leak ang tungkol sa amin ni Denver,” aniya.

“What do you mean?”

“You’ll know pagkarating natin sa unit ko.”

Mabilis ang naging byahe nila Maica. Mabuti na lang din at hindi traffic kaya ilang minuto lang ay nakauwi na siya ng matiwasay sa kaniyang unit. Pagpasok niya sa loob ay natagpuan niya ang kaniyang manager na kasalukuyang nagtitipa sa laptop nito.

“Denver, while I was away and busy with the pictorial, here you are sitting in my couch relaxing. Manager ba talaga kita?” bungad niya rito.

“I am busy here with fixing your schedules. May new proposal kasing pumasok sa email ko mula sa Prada at gusto ka nilang kuning model. Syempre, Prada is a well-known brand. Ipaprioritize natin ang sa kanila. We will just reschedule the others.”

Napataas ang kilay ni Maica dahil talagang nagawa pa nitong unahin ang pag-aayos ng schedule niya kaysa sa gusot na sinimulan nito.

Kaagad niyang itiniklop ang laptop nito dahilan para matuon ang atensyon sa kaniya nito.

“What the hell?”

“I told you, Denver, I don’t want us to go public. Bakit kailangan mo pang ibroadcast sa social media ang tungkol sa aatin?” tanong niya habang nananatiling nakatayo sa harap nito.

“So, you knew it was me after all. Matalino ka ngang talaga.” Hinawakan nito ang kaniyang kamay at hinila siya upang malayang makaupo sa tabi nito. “I am just so tired of hiding. You should be thankful at least at sinabi ko lang doon na we are getting married.”

“Should I be thankful ba talaga? Sa dami ng reporters kanina paglabas ko ng The Alpha halos hindi ko na alam ang isasagot sa kanila. Wala ka naman doon to help me explain the situation. Alam mo naman ‘di ba? If we go public, meaning wala na ring privacy ang dapat sana private life natin at doon na magsisimulang masira ang relasyong iniingatan natin.” Napabuntong-hininga na lang si Maica dahil sa ginawang problema ni Denver.

“Ano pa bang kinatatakot mo, Hon? I’m all yours now. We’ve been married for almost 2 years. Wala naman na sigurong makapaghihiwalay sa atin,’ anito.

“Wait. WHAT?”

Napalingon silang dalawa kay Julie matapos nitong magsalita. Hindi na kasi nila namalayan na naroon ito at kasalukuyang nakikinig sa diskusyon nilang dalawa.

“You’ve been married na already for almost 2 years tapos wala man lang akong kaalam-alam?”

Napangiti naman si Maica dahil sa reaksyon ng kaibigan. Daig pa kasi nito ang tututol sa kasalan dahil sa itsura nito.

“Stop overreacting, Julie. And yes, we’re married.”

“Ang sakit naman no’n, Maica. Pwede bang magtampo?” Ngumuso pa ito habang ang palad at nakalagay sa dibdib. “Akala ko ba magkaibigan tayo? Hindi mo man lang ako kinuhang bride’s maid mo or sana kahit sa reception man lang nakatikim ako ng lumpiang shanghai.”

Hindi na nila napigilang matawa ni Denver sa mga binibitawang salita ni Julie. Pero hindi rin masisisi ni Maica si Julie kung magtampo man ito talaga dahil talagang pinagtaguan nila ito ng isang napakalaking sikreto.

Kaagad siyang tumayo at niyakap ang kaibigan upang kahit paano ay mahimasmasan ito.

“Sorry na. Next time, magsasabi na ako sa ‘yo,” pag-alo niya rito.

“No more secrets?” paniniguro nito.

“No more secrets.”

“Oh, Maica. Congrats for being married for almost 2 years. Wishing you both a happy life.” Niyakap siya nito kaya hindi niya na napigilan ang labis na tuwa. Kinintalan niya ito ng halik sa pisngi na hindi naman nakaligtas sa mga mata ni Denver.

“Bakit siya may kiss, ako wala? Extra lang baa ko rito?”

Kaya naman hinalikan na lang din niya ito sa labi na naging dahilan ng kilig ni Julie. Kaagad itong nagtakip ng mga mata habang pinamumulahan ng mukha.