Kabanata 15: CRAVING

Sayna's POV

Hindi ko alam kung sino ang titingnan ko sa kanilang dalawa. Hindi ko rin alam kung sino ang sasawayin sa kanilang dalawa. Pasimple kong siniko si Enver pero hindi siya natitinag at patuloy pa rin sa pagsasalita. Ayoko ko lang na may masabi na naman siyang pagsisisihan niya tapos susuyuin niya na naman ako. Hindi ko rin alam kung bakit gusto ko ang pagsuyo niya kahit na gusto ko siyang sapakin.

“That won’t happen anytime soon. Mukhang tatagal ang paghihintay mo… Atty. Vince.” sinamaan ko na lang ng tingin si Enver kaysa paikutin ko ang mata ko sa kanya. Makapagsalita siya akala mo naman hindi gustong kumawala sa kasal namin. Malamang siya itong kating-kati na makawala sa aming dalawa.

Kita ko ang inis ni Vince. Nilapag ko ang bulaklak sa lamesa ko at kaagad na umikot para makalapit sana kay Vince kaya lang hinuli ni Enver ang kamay ko. I gave him a questioning look but he blankly stared at me. Pero inalis ko pa rin ang kamay niya at hindi naman siya