Kabanata 6

(Four years ago)

Xavier Iglesias

Hindi ko magawang hindi isipin ang mga ibinunyag na impormasyon sa akin ni Naya tungkol sa isyu niya sa kanyang pamilya. Wala akong ideya kung bakit ganoon ang pamilya nito pero hindi pa rin sapat na dahilan iyon upang tratuhin nila siya na parang laruan.

Kung ako ang nasa posisyon niya ay hindi ako papayag na gawin sa akin ng sarili kong magulang iyon.

Tama siya.

Wala siyang karapatang magreklamo dahil nga magulang niya sila at sila ang mas nakakaalam ng tama sa mali.

But I think, it's too much.

Binalingan ko siya ng tingin habang binabaybay ko ang daan patungo sa kanyang apartment.

Nakatulog na pala siya. Kung tutuusin, noong una ay ayaw niyang ihatid ko siya pauwi pero dahil nagpumilit ako ay wala rin siyang nagawa.

Sa puntong iyon ay lihim akong napangiti nang maalala ko ang nangyari sa pagitan namin kanina.

Sa unang pagkakataon ay niyakap ko siya.

Of course, dala iyon ng kagustuhan kong mailabas niya ang lahat ng kanyang sakit na dinaramda