Chapter 19

DAHLIA

Alas sais pa lang ay gising na ako. Actually ay hindi naman ako nakatulog ng maayos. Lumabas ako dahil balak ko ng maligo.

“Good morning po,” nakangiti na bati ko sa landlady namin.

“Good morning, ganda. Maliligo kana ba?” tanong niya sa akin.

“Opo, sana.” sagot ko naman sa kanya.

“Naku, hintayin mo na lang ang kuya mo na mag-igib ng tubig para sa ‘yo. Nasira kasi ang tubo na naka-konekta sa banyo.”

“Ako na lang po ang mag-iigib,” nakangiti na sabi ko sa kanya.

“Sandali maghahanap lang ako ng magbubuhat.” saad niya at iniwan ako.

“Huwag na p–”

Pero hindi niya ako pinansin. Pagbalik niya ay may kasama na siyang matangkad na lalaki na siyang nagbubuhat ng dalawang balde na may lamang tubig.

“Mabuti na lang at gising na itong pamangkin ko.”

“Naku, nakakahiya naman po. Kaya ko naman po na magbuhat ng tubig.” saad ko sa kanya.

“Okay lang, ganda. Ito pala ang pamangkin ko si Aikee. Nagtatrabaho siya sa bangko.” pakilala niya sa akin sa lalaking kasama niya.

“Hi, Aikee. I’m Dahlia,”