Chapter 13: Second Mission

Amora's POV

Sobrang pagod ang katawan ko dahil sa ginawa namin ni Aiden at tuluyan na nga akong nakatulog. Pagbuklat ko naman ng mga mata ay bumungad sa akin ang guwapong mukha ni Mr. Hemsworth. Isang matamis na ngiti ang aking pinakawalan at binigyan niya naman ako ng isang magaang halik sa aking labi bago ito magsalita.

“How's your sleep, Amora?”

Ngumiti ako sa kaniya at gusto ko pa sana ipikit ang mga mata ko nang bigla ko naman maalala kung saan kami naroroon kaya bumangon ako.

“Kailangan na natin bumalik sa pagdaraos, Aiden.”

Mahina naman itong natawa nang makita ang pag-aalala sa mukha ko. Tumayo siya sa kama saka sinuot ang kaniyang damit at gano'n rin ang aking ginawa.

“Huwag kang mag-alala kasi hindi pa naman tapos ang pagdaraos at isa pa, ipagpapatuloy na lang natin ang ating ginawa kanina pag-uwi sa bahay.”

Namula ang aking magkabilang pisngi dahil sa naging sagot niya. Hindi ko na lamang siya pinansin at naglakad palabas ng kuwarto ngunit laking gulat ko naman nang malaman