Chapter 32

Kyoko POV

Tatlong araw na ang nakalipas pero hindi pa rin tumatawag si Rafael sa akin. Hindi ko na maiwasan ang mag-alala lalo at dapat kahapon pa siya tumawag sa akin. Umuwi na sa Digos City ang mag-asawang Terence at Faustina lalo at busy ang una sa shipment ng mga cavendish banana.

Hindi ko man maamin sa sarili ko pero may kabang namumuo sa aking dibdib. What if, katulad ng sinabi ni Mama Margarita ay isa naman itong pakana ng ina ni Rafael para ilayo ang asawa ko sa mga Cervantes.

“Hija, bakit nandito ka? Malamig na ang hangin. Baka sipunin ka at hindi ka man lang nagsuot ng jacket.” Puno ng pag-aalala na nilapitan ako ni Mama Margarita. Katatapos lang nitong nag-siesta at halata ang maga pa nitong mga mata.

“Nagpapahangin lang po at medyo napagod ako sa paglilibot sa hacienda kaninang umaga,” sabi ko. Totoo naman iyon lalo at kanina lang sinimulan ang pagbabakod ng bagong biniling farm ni Ninong Augustus.

“Ikaw talagang bata ka! Pwede naman na si Danilo na muna ang utusan mo. Nag