Chapter 8

Malamig ang hangin ngayong gabi. Iba't-ibang kulay ng ilaw ang naglalaro ngayon sa mga mata ni Theo habang nakasandal ang ulo nito sa may glass window ng bus. Malayo ang tanaw nito na tila ba malalim ang iniisip. Magmula ng umalis kami sa mansyon kanina nila Tita Anastasia walang lumabas kahit isang salita sa labi ni Theo. Nanatili lamang itong tahimik. Para sa akin mas mabuti nang ganito kasi hindi ko rin alam kung ano ba ang dapat kong sabihin sa kaniya. 

Bago kami umalis ng mansyon ay nagpaalam muna ako kay Kuya Landon na aalis muna at baka mga umaga na rin ako makauwi hindi naman siya nagtaka at pumayag na lang. Pagkatapos kong magpaalam ay kinuha ko ang cellphone at ang wallet ko na naiwan ko sa kwarto ni Tita Anastasia at bago ako umalis mahina akong bumulong kay Tita at nagpaalam kahit na alam kong hindi naman niya ako maririnig dahil mahimbing ang tulog niya. 

Nagpalit na rin muna ako ng damit dahil nakapangtulog na ako. Buti na lang at may hinandan