Chapter 4

Matalim ang ipinupukol na titig ni Maliah sa kaharap na lalaki, walang iba kundi ang ex-boyfriend niya. Kundi nga lang ba importante ang dalang mga paper at naibato na niya sa mukha ng lalaking nakaharang sa daraanan niya. Nasa gitna ito ng pinto, siya nama'y papalabas ng filing room. Inutusan siyang kunin ang ilang files doon, kailangan daw nilang i-review ang mga naunang report. Ngayon ay nasa harapan niya si Jacob, ayaw siyang palampasin at gusto muna silang makausap.

Para saan pa?

"Hindi mo ba ako talaga pararaanin?" Halos umusok na ang ilong niya sa galit, idagdag pa ang mabigat niyang dala.

"Sabihin mo kung sino 'yong lalaking kasama mo sa canteen kanina."

Tumirik ang kaniyang mata. Kahit may dala ay hindi niya naiwasang magtaray. "So, nagsumbong pala ang ahas kong best friend sa iyo!"

"Sagutin mo ang tanong ko!"

"Tss. Ano bang pakialam mo? Boyfriend ba kita?"

Tumalim ang titig nito. Gumalaw ang panga at pansin din niya ang pagrolyo ng kamao.

"Teka nga, ano bang ipinagpuputok ng butsi mo? Bakit ngayon ay para kang over protective na lion sa harapan ko? 'Di ba wala na tayo?" Nakipagtagisan siya rito ng galit.

"Kahapon lang tayo naghiwalay--"

"Pero matagal mo na akong niloloko, hindi ba?" Maagap niyang pinutol ang pagsasalita nito. "At kahit pa yata kanina lang tayo naghiwalay ay wala ka nang pakialam sa akin, hindi ba, Sir?" Mataas ang posisyon nito sa kompanya at kaya siguro nakapasok si Pamela nang walang kahirap-hirap ay dahil dito

Lalong bumagsik ang mukha nito, animo'y manununggab na tigre. Mabuti na lamang humahangos na dumating si Yna.

"Ang tagal mo naman, Maliah," habol ang hiningang sabi nito. Walang pakundanganh hinawi nito si Jacob at pumasok sa loob. "Kanina pa hinihintay ni Ma'am Patty ang report." Tinulungan siya nito sa pagdala ng mga papel, ang iba roon ay nakalagay sa brown envelope.

"Sorry, Yna, may iniuutos pa kasi si Sir Jacob sa akin," may diing sambit niya at sabay na tumitig sa binatang nasa tabi na ng pinto.

"Halika na," yaya nito, nauna nang lumabas ng room. "Nagagalit na si Ma'am Patty."

Hindi niya alam kung matatawa ba o matatakot sa sinabi ni Yna. Alam ng mga katrabaho niya na boyfriend niya si Jacob, at ang tinutukoy na Patty ay ang head nila. Malimit siya nitong pag-initan, ayon sa ginang, nakapasok siya sa kompanyang 'yon dahil sa posisyon ng dati niyang boyfriend. Hindi nito alam na dumaan siya sa tamang proseso, at n'ong una ay hindi niya alam na doon nagtatrabaho ang binata.

"Tiyak na umuusok na naman ang ilong ni Ma'am Patty," biro niya habang naglalakad.

Lumingon muna si Yna bago sumagot. "Binibiro lang kita. Wala pa sa loob si Ma'am."

Agad na nagsalpukan ang kilay niya. "You mean?"

Tumango ito. "Nasa office room ako kanina, may dinala ako roon. Nakita ko sa CCTV ang pangha-harrass na ginagawa ng ex-boyfriend mo." Sumimangot ito. Alam na rin kasi nito ang nangyari sa kanila ni Jacob at tulad ni Monet, galit na galit din ito kay Pamela.

"Thank you," aniya.

"Kung sa akin nangyari 'yan, naku, hindi lang sampal ang ipapadapo ko sa mukha ng best friend ko. Masyado ka kasing mabait, Maliah," ingos nito. Nalaman din nito ang ginawa ni Pamela nang nasa canteen sila.

"Hayaan mo na sila. Kung nagmamahalan naman sila, bakit ko pa hahadlangan?" But deep inside, masakit pa rin ang ginawa ng dalawa sa kaniya, lalo na si Pamela. Of all people, ito pa pala ang tutuklaw sa kaniya.

"Tse! Huwag mo akong paandaran ng ganyang salita, Maliah!" Pinandilatan siya nito. "Hindi oobra ang ganyan sa akin."

Hindi na siya nagkumento pa, nagpatuloy sa paglalakad hanggang makapasok sa admin's room. Eksakto namang inilalapag nila ang dalang files sa pahabang mesa nang pumasok si Ma'am Patty.

Kaya pala ito natagalan ay nakipagtsismisan oa sa kabilang office. Ayon sa ginang, guwapo at bata pa raw ang bagong CEO.

"Kaso, masungit. Kaya kayo," tinuro silang lahat ng ginang. "Ayusin niyo ang trabaho, para hindi kayo matanggal, tulad ngayon, may mali sa nagdaang report at ngayon ay kailangang ulitin. Ayaw ko rin na magkamali tayo, dahil tiyak na ako ang pag-iinitan ng bagong CEO, understand!"

"Yes, Ma'am!" panabay nilang tugon.

Ilang sandali pa ay naging abala ang lahat. Bukod sa may nirerebesa silang files, may pinapagawa rin sa kaniya si Ma'am Patty. Ewan ba niya kung bakit favorite siya nitong utusan, gayong lagi naman itong galit sa kaniya.

"Finally, after ten years, natapos din!" sambit ni Yna, itinaas pa ang dalawang braso.

"Buti pa kayo, makakauwi na," saad niya. "Hindi pa ako tapos dito." Buhat niya ang halos isang dangkal na papel. "Pupunta pa ako sa shredding machine."

"Lahat 'yan!" Nanggilalas si Yna, lumaki pa ang mata nito.

"Oo e. Kung lalabas ka na, mauna ka na, tatapusin ko lang ito."

"Tutulungan na kita."

"No need. Go na, mauna ka nang lumabas. May makulit na naghihintay sa iyo, remember?"

"Oo nga pala, buti't ipinaalala mo, may pinabibili nga pala ang bulinggit na 'yon sa akin." Humagikgik ito ng tawa. "Mauna na ako. See you tomorrow." Kumaway ito at patakbong lumabas ng office room.

Siya nama'y dumiretso na sa shredding machine, pero sa kasamaang palad, nakasalubong niya si Pamela, may kasama itong isang babae. Parehong tadtad ng kolorete ang mukha.

"Oh, your still here, my dear best friend."

"Tss. Huwag mo nga akong tawaging best friend. Para sa akin ay patay na ang best friend ko. May dumapong sakit na nakakahawa sa kaniya."

Tumaas ang isang kilay ni Pamela. "Kahit ano pa ang sabihin mo, sa akin na ngayon si Jacob. Ako na ang mahal niya at hindi na ikaw... but wait, minahal ka ba naman niya?"

May dumaang sakit sa puso niya, pero hindi niya ipinahalata, magmumukha lang siyang kaawa-awa. Para mapagtakpan ang sakit ay nilabanan niya ang salitang ipinukol sa kaniya ni Pamela.

"Wala akong pakialam kung sa iyo na si Jacob. If you want, i*****k mo siya sa loob ng panty mo at huwag mo nang palabasin. Baka'y maisipan niyang bumalik sa akin." Nginisihan niya ito.

"Asa ka! Ipinangako niyang hinding-hindi na siya babalik sa iyo."

"Talaga ba? Parang mali ang nakita at naramdaman ko kaninang nasa filing room ako. Galit na galit si Jacob sa ipinagdadaldal mo sa kaniyang may kasama akong lalaki," litanya niya. Sinabi niya 'yon para malaman kung magre-react ba ito at mukhang tama siya. Halos lumaki ang butas ng ilong nito sa galit at padabog na tinalikuran siya.

Naiwan siyang natatawa sa inakto ni Pamela. "Takot ka rin palang maagaw sa iyo ang inagaw mo sa akin. Tss. Wala ba akong planong makipagbalikan sa kaniya, i*****k mo siya sa panty mo!" angil niya na para bang naririnig pa ni Pamela.

Pansamantalang in-off muna niya ang machine at patakbong nagtungo sa pinakamalapit na toilet. Sa pagmamadali ay hindi na niya tiningnan ang paligid, basta na lang pumasok sa isang cubicle roon.

"Ginhawa," mahinang saad niya.

Nakapikit siya habang nakaupo sa toilet bowl, nang walang anu-ano'y biglang bumukas ang pinto. Isang lalaki ang nandoon.

"Ahh... bastos!" hiyaw ni Maliah at sa 'di malamang dahilan ay napatayo siya.

Laking pagkakamali ng nagawa niya dahil napatutok ang mata ng lalaking itinulos sa kinatatayuan sa ibabang bahagi ng katawan niya. Nakapalda man pero nakatiwangwang pa rin ang maputi niyang hita at ang lace panty.

"Shit!" angil ng isipan niya.

Sa harapan mismo ng lalaki ay itinaas niya ang panty. "Bastos ka!" bulyaw niya. "Puwede bang lumabas ka na!" Halos panawan siya ng ulirat sa labis na kahihiyan.

Pero ang lalaking kaharap, sa halip na mag-sorry ay binulyawan pa siya nito.

"Are you out of mind? Could please check this fvcking restroom?" Pagkawika ay lumabas na rin ito.

Natigalgal siya sa tono ng boses nito. Malagom at halatang galit. Bakit sa kaniya pa ito nagagalit at ano ang sinasabi nitong i-check niya ang toilet?

"Toilet naman ito 'di ba?"

Atubiling dinampot niya ang mga papel at nakayukong lumabas ng restroom. Nasa labas ang lalaking nakakita sa kaniya at may bodyguard itong kasama. Mula sa pintuanh nilabasan ay napansin din niya ang katapat na restroom.

Female?

Anak ng maligno! Nagkamali siya ng pasok. Kagat ang kuko, dahan-dahan niyang nilingon ang nakasabit sa itaas ng pintuang nilabasan.

"Oh, shit!" nasambit na lang niya at naitakip ang isang palad sa mukha.

"Josie, paki-check mo nga ang employees tomorrow, sabihan mo silang bawal ang tatanga-tanga sa company ko!"

Nalaglag ang kaniyang panga niya. "C-company k-ko?" ulit niya. Slow motion siyang napatitig sa lalaking malalaki ang hakbang palayo sa kaniya.

"Ang tanga mo, Maliah! Bakit hindi mo muna tiningnan ang pinasukan?" Tinuktukan niya ang sarili. "Nakakahiya ka!" Mariin na lang siyang pumikit, nagbabakasakaling makalimutan ang nagawang katangahan.

Ano ang mangyayari kinabukasan?