FIVE (5)
- Rhea's POV -
Dahil bored sa bahay, natagpuan ko ang aking sarili na umattend ng EB. Ayoko naman talaga. Pero dahil sa pagpupumilit nila Four, Almira at Ceejay andito na ako ngayon. Pinagtulungan ba naman ako. Sa puntong, pumunta pa sa bahay si Almira para ipagpaalam ako kay ate.
"Kanina ka pa ba, madz?" Tanong ni Almira kay Four ng makarating kami sa labas ng kubo.
"Hindi naman." Maiksing sagot niya.
"Nasan si Ceejay?" Tanong ulit ni Almira.
"Ayun oh. Nakikipaglandian sa malanding yun." Agad kong sagot ng makita kong nakipagkamayan si Ceejay sa isang babaeng nakamaong shorts at spaghetti shirt, bago pa makasagot si Four.
Sabay namang napalingon ang dalawa sa dereksyon nila Ceejay at nung babae habang ako naman ay tahimik na pinagmamasdan sila.
Maya-maya ay binalik na ni Almira ang tingin niya sa akin.
"Kakarating mo lang, yan agad ang nakita mo." Sita ni Almira.
"Ei nasa likod lang ni Four. Makikita ko agad." Katwiran ko habang don parin nakatingin sa kanila.
Nakahalf smile naman na sumbat ni Four, "Ganyan talaga yan si Anonymous. Halos lahat ng lalaki dito sa clan naging bf na niya."
Nakasimangot naman akong napatingin sa kanya, "So naging gf mo na rin?"
"May gf na ako pagpasok niya sa clan." Halatang naiinis na sagot naman ni Four.
"At kung wala, papatulan mo?" Sunod kong pangiinis.
Nakasimangot na siyang sumagot, "Ano bang problema mo, Prim?"
"Grabe siya oh," Biglang sumbat ni Almira sa usapan habang nakamasid kina Ceejay at Anonymous, "Kakakilala pa lang nila, nakakapit na siya sa braso ni Ceejay."
Nakakainis na talaga silang tignan. Ang landi talaga ni Anonymous habang kitang kita sa mukha ni Ceejay na gusto niya ang ginagawa ng babaeng yun sa kanya. At mukhang enjoy na enjoy sila sa kanilang harutan.
Akmang hahakbang na sana ako ng nahinto ang aking mga paa ng marinig ko si Four na nagsalita.
"Wag mo nang disturbohin. Masisira mo lang ang moment nila." Wika ni Four na halatang nangaasar.
"Mabuti nga yun at mailagay sa eksaktong lugar ang landian nila." Inis na sagot ko at tumuloy na sa paghakbang.
Bago pa man ako makalapit sa kanila, hinatak ni Four pabalik ang kamay ko.
"Ei di wag kang tumingin." Pangaasar pang ngiti niya ng siya ay sumagot.
Nakakunot ang noo kong kinalas ang kamay ni Four sa kamay ko at inis na tumingin sa ibang dereksyon. Dapat kasi hindi ako pumunta dito. Nakakasira ng araw.
"Si Lucy ba yun?" Bulong ko sa sarili nang makilala ko ang member na nakikita ko sa dereksyon na tinitignan ko.
May kausap itong lalaki at sobrang sweet pa nila sa kanilang harutan.
Sweet? Ei di ba girlfriend nga siya ni Four?? Ang dami atang newbie na malalandi ngayon.
"Saan?"
Napalingon ako sa aking tabi at nakita kong nakatayo malapit sa akin si Four. Hindi ko naman sinasadya na marinig niya. Kaya binulong ko lang sa sarili ko di ba? Pero mukhang napalakas lang ata ang boses ko.
Kaya tinuro ko nalang ang dereksyon nila Lucy, "Yun oh. Sino ba yang kausap niya?"
"Ex niya." Si Almira na ang sumagot ng tanong ko. Mukhang napansin ata ni Almira na seryosong nakatingin si Four sa kanila at hindi ako narinig nito.
Nagulat naman ako at napasulyap kay Four na nakapako parin ang tingin sa kanila, "Talaga? Ex niya?" Tumingin naman ulit ako kay Almira, "Alam ba niya na andito si Four?"
"Hindi niya alam." Biglang sumagot si Four habang andon pa rin ang tingin sa kanila, "Hindi ko kasi sinabi sa kanya na pupunta ako."
"Ganun?" Sagot naman ni Almira at agad na napalingon kay Four na nakasimangot, "Tapos hahayaan mo na namang makipagharutan yang babaeng yan sa ex niya kahit may bago na siya?"
"Na naman?" Napalingon ako agad kay Almira ng marinig ko ang salitang 'na naman'. Ibigsabihin hindi yun ang unang pagkakataon, "So napapadalas na pala ang ganyan?"
"Yes, crushmate. Sobrang napapadalas. At nagpapakamartyr pa talaga tong gwapong nilalang na to." Paliwanag pa ni Almira.
Inis naman akong napalingon ulit kay Four habang nakatingin pa rin siya sa gf niyang nakikipaglandian sa ex niya, "Okay lang sayo ang ganyan? Ako pa naging gf niyan, kanina ko pa inupakan ang mukha ng mokong na lalaking yan." Sumbat ko.
"Hoy, ano ka ba." Sita pa sakin ni Almira sabay siniko niya ako sa tagiliran.
- Jc's POV -
Napapadalas na talaga ang pakikipagharutan ni Jaycile (codename: Lucy Heartfillia) sa ex niya kapag wala ako o akala niya na wala ako. Nananahimik lang ako kahit marami akong naririnig na di maganda tungkol sa kanila. Pero dahil sa mahal ko siya at may tiwala ako sa kanya, hindi ako nakinig sa kanila. Pero ngayon, mukhang sumusobra na talaga siya. Kaya walang kataposan ang pagtatalo namin dahil ayaw niyang layuan ang ex niya. Makakatikim na talaga ang lalaking yan ng kamao ng taong naubosan ng pasensya.
Nilapitan ko agad sila habang unti-unting dumidilim ang paningin ko sa sobrang galit. Wala silang kamalay-malay na papalapit na ako para sirain ang matamis nilang landian.
Nang makalapit na ako ay agad kong hinila ang kwelyo niya at binigyan siya ng malakas na suntok sa mukha sanhi ng pagkaatras niya. At bago pa siya makaporma ay humakbang ako papalapit sa kanya at sinundan siya ng isa pang suntok sa mukha kaya muli itong napaatras.
"Jc! Tama na!" Sigaw ni Jaycile para pigilan ako pero masyado na akong bingi para makinig pa sa boses niya.
"Ano ha!? Lumaban ka ng harap-harapan!" Galit na sigaw ko sa kanya habang mahina niyang hinihimas ang pisngi niya.
Akmang susundan ko pa sana siya ng isa pang suntok nang hinatak ni Jaycile ang braso ko kaya automatiko akong napalingon sa kanya.
"Tumigil ka na!" Pangaawat pa niya.
Hindi ko siya pinansin na parang wala akong naririnig mula sa kanya kaya mabilis kong tinanggal ang kamay niya sa braso ko. Ngunit paglingon ko ulit sa harap, kamao na ng ex niya ang bumulaga sa akin at dumeretso ito sa mukha ko.
At akmang susundan pa sana niya ng isa pang suntok ay pumagitna na si Jaycile sa amin para awatin kami at nang di na siya makalapit pa sa akin.
"Stefen, ano ba! Tama na nga!" Inis na sigaw ni Jaycile sa kanya, "Nakakahiya na! Pinagtitinginan na tayo ng lahat ng members!!"
"Ngayon ka pa talaga nahiya!?" Sumbat ko sa kanya, "Kung hindi ko binasag ang mukha ng lalaking yan malamang nakipahalikan ka na sa kanya hanggang naghubad."
"Bastos ka!" Galit na sumbat ni Jaycile at sa di inaasahan ay nagawa niya akong sampalin, "Matino akong babae!"
"Matino ba kung tawagin ang babaeng may jowa na nakikipaglandian pa sa iba?" Agad ko namang sagot.
"Boyfriend ko siya, John Carlo!" Sagot naman niya na binigyang diin ang salitang 'boyfriend', "Boyfriend ko si Stefen!"
Biglang umurong ang dila ko na parang na pipi ako. Halos namanhid ang buong katawan ko sa sinabi niya. Tila tinangay ng hangin ang galit at lakas ng loob ko habang dahan-dahang namumuo ang maliliit na luha sa gilid ng aking mga mata. Napatunganga ako sa aking kinatatayuan na parang tangang talonan na pinaglaban ang relasyon na dapat matagal ko ng binitawan.
At para namang lumindol sa sobrang lakas ng tawa ng tarantadong yun. Dahil sa tawa niya, nagawa kong tumino at napatuwid ko ang pagiisip ko.
"Narinig mo siya? Ako ang boyfriend niya hindi ikaw." Natatawa pang sabi nito.
Inis namang lumingon si Jaycile sa kanya at sinita siya, "Tumahimik ka na nga lang, Stefen!"
"Dahil sinabi kong hindi ako pupunta ng EB siya na boyfriend mo?" Mahinang sabi ko na nagpalingon sa kanya sa akin at napasmirk naman ako ng humarap na siya, "Ang bilis ah. Sana kapag dumating ang araw na kelangan mo na ulit ako, andon pa sana ako. Baka magsisi ka kapag nakita mong hawak na ako ng iba."
Hindi ko na hinintay ang magiging sagot niya. Agad akong umalis sa kanilang harapan at dumeretso sa exit ng park. Malaking eksena pala ang nagawa ko dahil hindi lang lahat ng members ang nakatingin sa amin kundi ang ibang tao na andon sa park. Nagbubulongan habang nakatingin sa amin.
Nang makalabas na ako sa park, naglakad lang ako sa gilid ng kalsada ng walang dereksyon. Tuloy lang ang lakad ko habang nakayuko kahit di ko alam kung san ako patungo basta makalayo lang ako sa panigin nila.
Maya-maya ay nakaramdam ako ng pagod at napasandal ako sa sementadong poste sa gilid ng kalsada. Napatingala ako sa langit ng biglang nagechoe sa isip ko ang sinabi ni Jaycile kanina. Biglang nanikip ang dibdib ko at parang sinasakal ako sa leeg. Hindi ako makaginhawa ng maayos. Dapat kasi masanay na ako tutal madalas niya namang ginagawa pero masakit pa rin.
🎼"Ayoko sana na ikaw ay mawawala
Mawawasak lamang ang aking mundo
Ngunit anong magagawa
Kung talagang ayaw mo na
Sino ba naman ako para pigilan ka..."🎼
Bigla akong napadilat ng makarinig ako ng boses na kumanta at napatingin sa posibleng pinanggalingan nito. Napatitig nalang ako sa mukha ni Primera ng makita ko siyang kumakanta habang naglalakad papunta sa kinaroroonan ko.
Primera: 🎼Lumayo ka man ay maiiwan ang bakas ng ating pagmamahalan
Ang awiting ito ay alaala
Na hindi kita malilimutan
Pagkat ikaw ang tanging laman
Ng aking mundo, ng aking puso, ng aking buhaaay.....🎼
Almira: 🎼Ang halik mo namimiss ko
Ang halik mo namimiss ko
Bakit iniwan mo ako....🎼
Ang ganda na sana ng entrance ni Primera dahil sa malamig nitong boses ng biglang sinira ng boses ni Almira na literal na makabasag ng pinggan. Hindi ko namalayan na napangiti pala ako dahil sa birit part ni Almira na halos nagsiliparan ang lahat ng paniki.. Panira talaga tong babaeng to.
"Maganda na sana, sinira ni Almira." Pangaasar ko.
"Grabe ka, Jc. Marunong kaya akong kumanta." Nakangusong sagot ni Almira.
"Naniniwala na ako sa sobrang daming paniki na nagliparan." Halos matawang pangaasar ko.
"Buti naman at huminto ka na." Wika ni Primera bago pa man makasagot si Almira, "Sobrang layo ng nilakad mo."
"Oo nga. Nakakapagod ka kayang sundan. Ang bilis mong maglakad." Pagrereklamong dugtong pa ni Almira.
"Sinabihan ba kitang sumunod?" Pisolopong sagot ko na nakatingin kay Almira.
Ngumiti lang si Primera habang nakatingin siya sa akin saka sumagot, "Kanina pa kasi kita tinatawag pero di mo ata ako naririnig."
Nabuntong hinga nalang ako at napatingin sa kalsada, " Naalala ko tuloy siya." Saka nagsquatt. Nakakangawit kayang tumayo.
"Si Crista na naman ba?" Agad naman na dugtong ni Almira na nilapit niya pa ang mukha niya sa akin.
Mahinang tinulak ko ang balikat niya saka sumagot na umiiwas sa tingin niya, "Kinantahan niya rin kasi ako ng Halik."
Umatras naman si Almira at nagsquatt sa tabi ni Primera habang nakasmirk.
"Ex mo?" Sabat pa ni Primera.
"Sana." Maiksi at mahinang sagot ko na halos ako lang ang nakakarinig.
Sandaling tinitigan ako ni Primera tapos nagsquatt na rin siya, "Hindi ko maintindihan."
"Clanmate namin dati si Crista at close friend niya. Sobrang close na daig pa nila ang magjowa." Kwento pa ni Almira at napalingon naman sa kanya si Primera.
"Tapos? Naging sila?" Busisi pa ni Primera na nakangiti.
Bago pa man makasagot ni Almira ay inunahan ko na siya. Baka kung ano pa ang sabihin niya, "Hindi. Hindi nagkaroon ng pagkakataon."
Biglang natahimik si Primera at napatingala siya sa langit. Ginalaw ko ng konti ang aking mata at nakita kong busy si Almira sa kakatext habang si Primera naman ay tahimik na pinagmasdan ang maaliwalas na langit. Tahimik ko na ring pinagmasdan ang langit.
🎼"Sayang
Bakit hindi kita niligawan
Ngayon ako'y nanghihinayang
Kasi naman tatanga-tanga pa ako noon
Walang humpay na paghintay sa hindi dumadating na pagkakataon."🎼
Natatawa ako ng lumingon kay Primera na binasag ang katahimikan ng kumanta siya, "Hindi kaya ganun yun. Namatay siya dahil sa plane crash 2 years ago."
Saglit na natahimik ulit si Primera saka tumingin sakin, "Tatanga-tanga ka parin."
Napakunot ang noo ko, "Hu?"
"Ang sabi ko, tatanga-tanga ka." Inulit pa talaga niya, "Ang dami mong pagkakataon na kasama mo siya pero di mo nagawang ligawan. Lalaki ba talaga?"
Inaasar ba ako ng babaeng to? 😑
"Tumahimik ka kung ayaw mong mahalikan." Pagbabanta ko.
Tumawa lang siya ng sobrang lakas, "Sige nga."
Buti nalang, mataas ang pasensya ko at marunong akong magpigil. Kung hindi, kanina ko pa talaga hinalikan tong nakakaasar na babaeng to.
Napabungisngis nalang ako habang pinagmamasdan si Primera na tumatawa ng sobrang lakas na halos mabutas na ang eardrums ko.
"Hoy, crushmate. May plano ka bang huminto sa kakatawa?" Sita ni Almira sa kanya.
Maya-maya ay huminga siya ng malalim at dahan dahang pinakalma ang kanyang sarili, "Sige di na ako tatawa." At tikom ang bibig nitong nakangiti habang nakatingin sa akin. Halatang pinipigilan nitong tumawa na naman.
Hindi ko namalayan na namagnet ang mata ko sa mukha niyang parang anghel na nakangiti. Ni hindi nga ako halos kumukurap. Parang bigla ata akong natulala. Hindi ko nga mapigilan ang sarili kong ngumiti habang nakatulalang nakatitig sa kanya.
Maya-maya, napansin ko na rin na nakatitig si Primera sa akin habang nakataas ang dalawang kilay at tikom ang bibig nitong nakangiti. Parang gustong sabihin ng reaksyon ng mukha niya na bakit ako nakatingin.
"Ang weird mong pagkababae." Ang tanging nasabi ko.
"Bakit? Ngayon ka lang nakakita ng babaeng malakas tumawa?" Natatawa pang sagot nito.
"Di bale na nga." Sabi ko saka tumayo at nagpagpag ng pantalon, "Tumayo ka may pupuntahan tayo."
Magkasabay na tumayo naman si Primera at Almira saka nagpagpag ng pantalon.
"Hoy, Almira. San ka pupunta?" Tinawag ko si Almira ng mapansin kong naglalakad na siya pabalik sa dereksyon na pinagmulan namin.
"Babalik na ako sa park." Sagot niya.
"Wag ka na bumalik. May pupuntahan tayo." Sigaw ko.
Pero di niya ako pinansin. Ni hindi nga siya lumingon. Nagtuloy-tuloy lang siya sa paglalakad habang kumakaway samin.
"Hayaan mo na." Sabi naman ni Primera, "San ba kasi tayo pupunta?"
Kinuha ko muna ang cellphone ko sa bulsa para tignan ang oras. Mabuti naman at maaga pa. Mukhang aabot pa ata kami.
- Rhea's POV -
"Welcome to party house." Sabi ni Four ng makapasok kami sa isang pamilyar na lugar.
Madilim doon sa loob at tanging makukulay lamang na ilaw mula sa disco ball ang nagbibigay liwanag sa buong paligid. Puno na ng mga guests ang loob at halos kabataan ang andon. Kahit wala pang dj may background song na at mukhang nageenjoy na sila. Dati iilan lang ang pumupunta dito, ngayon, wala pang 9 pm, puno na, at may nagsisidatingan pa.
"Dito ka nagtatrabaho?" Tanong ko. Kunwari di ko alam 😆
"Oo." Sagot niya at hinila niya ako papunta sa mini bar at umupo ako habang siya ay nakatayo lang sa tabi ko.
"Anong trabaho mo dito?" Tanong ko ulit.
"Disco Dj." Nakangiting sagot niya.
"Talaga?" Interesadong sagot ko. Namiss ko tuloy dito.
Tumango lang siya bilang sagot, "Umorder ka lang ng kahit anong inomin na gusto mo. Sagot ko na yan."
"Sinabi mo yan." Sagot ko naman na nakangiti.
"Jan ka muna ha, pupunta na muna ako sa backstage." Paalam ni Four saka siya umalis.
"Excuse me." Tinawag ko yung bartender na busy sa paghahalo ng cocktail na inorder ng iba, "Sherry please."
Lady's drink muna tayo. Mamaya na tayo sa hard drinks. Baka mamaya, malasing ako ng hindi pa nagsisimula ang party.
Namiss ko tuloy ang tumambay dito. Dalawang taon din bago ako nakabalik dito at ang dami nang improvements sa buong lugar. At nirenovate na rin nila ang loob kaya lumawak na ang loob. Mukhang maganda ang takbo ng career ni Four bilang Dj.
"Enjoy your drink." Napatingin ako sa bartender ng nilagay niya sa harap ko ang inorder kong inumin.
Uminom ako ng konti at pinakiramdaman ang lasa nito sa aking dila. Swabe talaga ang hagod nito sa lalamunan at mild sa pakiramdam. Talagang pang lady's drink.
Maya-maya ay nagsitilian ang halos lahat ng andon. Kaya napatingin ako sa harap kung anong meron.
"Dj Four! Dj Four!"
Halos magkakasabay na sigaw ng lahat. Nakakabingi na nga ei.
Paakyat pa nga siya pero halos mabaliw na ang mga babaeng andon sa kakatili. Famous na niya ah. Mukha na siyang artistahin.
Kumaway pa siya sa mga fans niya at nagbitaw ng flying kiss na mas lalong nagpawala sa mga kababaihan.
Naku naman. Feel this moment ah.
Pumunta na siya sa left corner kung saan ang kanyang usual spot at sinuot sa tenga ang headphones na nakahanda doon.
"Bago ako magsimula, gusto kong i-acknowledge ang kaibigan kong nakaupo sa mini-bar dahil sa pagpunta niya dito." Wika niya na nagpalingon sa lahat ng tao sa akin, "Para sayo ang show ngayong gabi."
🎼Horrible looks from everyone in the room but I'm only looking at you.🎼
Napalunok nalang ako sa sobrang sama ng tingin ng kababaihan sa akin. Kung nakakamatay lang talaga ang tingin, malamang pinaglalamayan na ako ngayon. Sobrang nakakatakot kasi ang tingin nila. Yung iba pa nga halos hubaran pa nga ako.
Iniwasan ko na lang ang tingin nila at tinuon ang atensyon ko sa inumin na nasa harap ko.
Wag kayong magalala wala akong plano na agawin ang Prince of Dj niyo ;p
Pagkatapos niyang mag-acknowledge ay sinimulan niya nang yanigin ang buong lugar sa galing niyang paglaruan ang musika.
Binuksan niya ang party sa pamamagitan ng maliliit na scratches, na para bang iniimbitahan niya ang lahat na sumayaw. Tapos sinundan niya ito ng malambot na beat, na parang sinusway ang buong katawan mo at sinasabayan naman ito ng palakpak ng lahat. Maya-maya naging upbeat na ang tugtug at napapaindak na ang lahat. Sinundan niya ito ng long scratch kasabay na tinaas nila ang kanilang mga kamay habang sumasabay sa tugtog. Hinaloan niya rin ito ng selected chorus part ng ilang kanta.
(Music remix starts---)
Hindi ko namalayan ay sumasabay na pala ang ulo ko sa beat ng kanta. Malinis kasi ang pagkakaremix niya at hindi masakit sa tenga. Alternative ang ginagawa niyang pagreremix. Kaya pasok na pasok sa lahat ng gustong panadalian na umalis sa mundo at magsaya buong gabi.
Maya-maya, may lumapit sa akin na dalawang babaeng may suot na headphones sa leeg. Nakangiti sila sa akin at sa suot nila, mukhang mga crew sila.
"Miss, pinapaakyat ka ng Dj sa stage." Sabi ng isa.
Nanlaki ang aking mata at automatiko akong napailing ng ilang beses, "H-Hindi na."
Ngumiti naman yung isa, "Request ng Dj kaya wag ka nang tumanggi."
"A-Ayoko nga. Dito lang ako."
"Wag ka nang tumanggi."
Pinagtulungan na nila akong hilain kaya napatayo na ako at sapilitang napasama sa kanila. Kinakabahan ako ei. Parang sasabog ang dibdib ko at pinagpapawisan ang kamay ko.
Ano ba kasing nasa isip mo, Four?
(Music continues---)
Pagkaakyat ko sa stage, bigla akong tinulak ng dalawang babae kay Four kaya napansin niya ang pagdating ko sa kanyang likuran. Humarap naman siya sa akin at napangiti.
At sa sobrang ganda ng ngiti niya sa akin, parang nakuryente ako at nagkusang ngumiti ang mga labi ko ng hindi ko napigilan.
Kikiligin pa ba ako? Nangyari na kaya to sa amin dati. Parang hindi nawala ang connection namin sa isa't isa kahit nakilala niya ako bilang ibang tao.
"Gusto mong sumayaw?" Tanong niya saka tinanggal ang headphones niyang suot at nilagay sa leeg.
"Hindi ako marunong ei." Nahihiya kong sagot na halos mapunit na ang bibig ko sa sobrang laki ng ngiti ko.
Napangiti naman siya ng sobrang laki, "Kunwari ka pa. Isuot mo nga to." Tinanggal niya ang headphones niyang nasa leeg at sinuot sa tenga ko.
Grabee. Sobrang sarap sa pakiramdam. Pakiramdam ko tuloy nasa ibang lugar ako habang pinapakinggan kong paglaruan niya ang musika. Hindi ko namamalayan, napapasabay na pala ako sa tugtog.
Nakangiting pinagmasdan ako ni Four at nakangiti rin ako sa kanya. Paningin ko ba ay tila nagslow motion ang buong paligid dahil sa ganda ng ngiti niya sa akin, sumasabay pa ang tugtog sa moment na nagaganap.
Naku!! May uuwi talagang in love sa gabing to. At hindi ko naman tinutukoy ang sarili ko ;p
Humarap naman siya sa crowd na sobrang nageenjoy sa musika. Narinig ko siyang nagsalita kaya binaba ko muna ang headphones na suot ko.
"Everybody, listen up!" Simula niya at nakuha niya naman agad ang atensyon ng lahat, "In the count of five, the lights will shut down and you can kiss whoever you wanted to kiss in three seconds."
Ganadong nagsigawan naman ang lahat. Nagpapahiwatig na sumasangayon sila sa dare ni Mr. Gwapong Dj. Grabe yung awra niya oh. Hands down ako sa kagwapohan niya.
Sinuot ko na ulit ang headphones at nagpatangay sa agos ng musika.
"In the count of Five!" Simula niya at sumabay naman ang buong crowd sa countdown.
"Five!"
"Four!"
"Three!"
"Two!"
"One!"
At biglang dumilim ang buong paligid kasabay ng paghinto ng tutog. As in, sobrang dilim na kulay black lang talaga ang nakikita ko.
Maya-maya may biglang humila sa bewang ko kasabay ng pagkabog ng puso ko na parang bomba na biglang sumabog.
Pagbalik ng ilaw, nanlaki ang aking mga mata at nagulantang sa sunod na nangyari. Nangyari pa talaga ang isang bagay na iniingatan kong hindi dapat maulit pagpasok ko dito sa party house.
Hinalikan ako ni Four sa labi....
Nanigas ang buong katawan ko kasabay ng paninikip ng dibdib ko. As in, leteral na parang unti-unting nagiging bato ang katawan ko. Hindi ko magalaw kahit mga kamay ko.
Halata sa naging reaksyon ni Four na nagulat rin siya sa sobrang bilis ng pangyayari. Napahakbang siya paatras na nabigla parin sa nangyari habang ako naman ang namumutla sa sobrang sikip ng dibdib ko. Hindi ako makahinga at kahit anong pilit kong abotin ang dibdib ko para suntokin ay di ko magawang igalaw ang mga braso ko.
"Prim?" Nagaalangan na sabi niya, "P-Primera?"
Unti-unting lumalabo ang paningin ko na tila umiikot ang buong paligid ko.
"Primera? Ayos ka lang?" Halatang nagaalala siya sa akin habang hinawakan niya ang magkabilang pisngi ko, "Sumagot ka.."
Mukha niyang nagaalala ang huli kong nakita bago tuloyang dumilim ang paningin ko.
