IV: STRANGER DANGER

“SIGURADO ka ba sa gagawin mo sa kaibigan mo, Cathy?” pagtatanong ng isang prostitute sa bar habang tinutulungan si Cathy na alalayan si Zelica na ngayon ay wala nang malay.

“Oo, sigurado na ako,” nakangising sagot ni Cathy.

“Pinagkakatiwalaan ka yata ni Zelica kaya uminom hanggang sa mag-black out siya tapos ipapahamak mo lang pala?” pagbibigay ng prostitute ng opinyon pero kaagad na nainis si Cathy.

“Ano ba ang pakialam mo, ha? Tutulong ka ba o hindi? Ikaw na nga ‘tong makakapagpahinga diyan ngayong gabi dahil siya ang ipapalit ko sa pagpup*ta mo pero reklamo ka pa nang reklamo diyan!” inis na sagot ni Cathy kaya naman nagitla ito at tahimik na sumunod.

Lingid sa kaalaman ng walang kamalay-malay na si Zelica na ilalagay pala siya sa kapahamakan ng itinuturing na kaibigan na si Cathy.

Naglakad si Cathy at ang prostitute patungo sa mga VIP Rooms ng bar dahil nandoon ang supposedly customers ng babae ngayong gabi ngunit si Zelica ang ipapadala nilang dalawa sa kwartong ‘yon dahil sa masamang plano ni Cathy kay Zelica.

“Tatanggapin ba nila ‘to? Wala namang malay, eh.”

“Magkakaroon ng malay ‘yan, tignan mo.”

Binuksan ni Cathy ang isang malamig na bottled water at mabilis na ibinuhos ‘yon sa mukha ni Zelica. Kaagad snagkaroon ng malay si Zelica dahil sa lamig.

Nabalik ang ulirat ni Zelica nang maramdaman niya ang malamig na tubig sa kaniyang mukha. Lasing na lasing na siya at hindi na niya kayang kontrolin ang sariling katawan dahil sa dami ng ininom niyang alak.

“N-nasaan—hik! n-na tayo, C-cathy?” mahina at hindi malinaw na tanong ni Zelica kay Cathy pero hindi sumagot ito at nagpatuloy lang sa pag-akay sa kaniya sa kung saan, katulong ang isang pamilyar na babae sa kaniya ngunit hindi niya matandaan kung ano ang pangalan.

Pamilyar ito kay Zelica dahil sa suot nitong ternong bra at micro skirt dahil ‘yon ang nagsisilbing uniform ng mga prostitute o nagbibigay aliw sa mga customers sa VIP/Show Rooms sa bar.

“Nasaan na ba kasi yung room?!” tanong ni Cathy.

Napairap ang prostitute. “Huwag kang sumigaw at atat! Dito sa kaliwa!”

Malakas na pagtatalo at sigawan ng dalawang umaakay kay Zelica. Hindi alam ni Zelica kung saan siya dadalhin pero nawala na ang malakas na tugtugin.

“Sigurado ka na ba talaga?”

“Mukha bang may balak akong umatras?”

“Bakit mo ba kasi ginagawa ‘to? May permiso ka ba ni Zelica sa gagawin mo ngayong gabi sa kaniya?”

“T*nga ka rin pala talaga eh, ‘no? May magse-set up ba na magpapaalam muna sa bibiktimahin?”

“Bakit ba ise-set up mo sa ganitong bagay si Zelica? Kita mong marangal na trabaho ang gusto niyan, eh.”

“Pikon na pikon na ako rito. Naiirita ko sa closeness nila ni Luke kahit alam niyang may gusto ako doon!”

“Bakit ka napipikon sa kaniya, eh alam mo namang si Zelica ang natitipuhan ni Luke rito sa bar?”

“Pwede bang tumahimik ka na lang? Tanong ka nang tanong.”

“Ay, basta! Labas ako rito, ha. Ikaw lang ang malalagot kung ano man ang mangyari kay Zelica ngayong gabi,” usal ng prostitute at saka naglakad papalayo. Binuksan ni Cathy ang pintuan ng isa sa mga VIP Rooms at sobrang ingay sa loob nito.

“Ibuhos na ang beer, sa aking lalamunan! Bawat patak, anong sarap! Ano ba talagang mas gusto mo?” pagkanta ng isang lalaki. Damang dama nito ang pagkanta sa mic na para bang nasa concert ito.

“Good evening po, mga Sir.” bati ni Cathy sa mga kalalakihan. Malawak ang ngiti nito gayong magtatagumpay na ang plano niyang i-partner sa iba si Zelica upang hindi na ito magustuhan pa ni Luke.

“Finally, nandito na rin kayo!” malakas na turan ng isang lalaki at umakbay ito kay Cathy pero kaagad itong umiling at umurong.

“Hindi po ako kasali, Sir. Hinatid ko lang po ‘tong kaibigan kong magbibigay-aliw sa inyo ngayong gabi!” pagpapaliwanag ni Cathy sa kanila at sinipat ng binata si Zelica na hirap na hirap panatilihing gising ang diwa niya.

“She’s so f*cking beautiful and sexy pero bakit lasing na ata ‘yan?”

“Oo nga, makakasayaw pa ba ‘yan?” tanong nila kay Cathy kaya naman natataranta ito at kaagad na umisip ng palusot bakit lasing na lasing si Zelica.

“Ahh- ehh, bakit naman hindi? Nag-inom po ‘yan kasi k-kinakabahan! Oo, kinakabahan po kasi first day niya po sa trabahong ‘to!” mabilis na palusot ni Cathy at mukhang napaniwala naman ang mga lalaki dahil interesado na ang mga ito kay Zelica.

“S-sige po, iwan ko na kayo…” pagpapaalam ni Cathy at saka mabilis na ipinasa si Zelica sa isang lalaki.

***

“WHAT are we gonna do now? I think she passed out already…” Ariel asked what they were gonna do with the lady who they paid for to entertain them but she’s barely conscious right now, in front of them.

“Dude, you gotta make her move now. Nasisira ang mood, birthday pa naman ni Hideo tonight!” buwelta ni Xykiel na kanina pa malagkit ang tingin sa babaeng nasa harapan.

“Miss, this is not what we paid for. Entertain us, come on!” pamimilit nila sa babae kaya naman mariin na napapikit si Hideo at napahilamos sa mukha.

“Did you all tell me earlier that we're just here to drink, not to f*ck someone up who's unconscious, didn’t you?” Hideo angrily asked them, because the moment na pumasok ang babae sa room nila ay napigtal na ang pasensya niya sa kanilang lahat.

“Come on, Dude. We prepared her for you. Gusto lang naman naming mag-enjoy ka kahit papaano this day—”

“Why? Why should I f*cking enjoy living another year, huh?” Hideo annoyingly asked and they just looked at him, not knowing what to answer or do. “You know what? I'll just leave. Enjoy the rest of the night—”

“L-leave? hik! S-sinong aalis diyan, ha?!”

Their attention immediately went to the lady who is now conscious. Nakakunot ang noo nito at nakanguso pa habang masama ang tingin sa kaniya.

“A-aalis ka? hik! H-hindi pa nga tayo nag-eenjoy, eh!” she gigglingly said. She examined the song book and quickly clicked buttons on the karaoke machine. They are so dumb founded by her sudden actions.

Is she really sober now?

***

NAALIMPUNGATAN na lamang si Zelica nang marinig kong may mga nagtatalo sa paligid niya. Kitang may natutulog, eh. Mga istorbo sa pagpapahinga niya.

Dahan-dahang iminulat ni Zelica ang kaniyang mga mata at nasa isang kuwarto na pala siya. May ilang kalalakihan dito na hindi naman pamilyar sa kaniya.

Mga kasamahan ba namin ‘tong mga ‘to? Bakit dumami naman ata ang kainuman naming dalawa ni Cathy? At saka bakit hindi ko makita si Cathy? Lumabas ba ‘to sandali habang natutulog ako?

“Why? Why should I f*cking enjoy living another year, huh?”

Napatingin si Zelica sa isang lalaking nakaupo sa sulok nang pagalit na magsalita ito. Lahat ng mga lalaki ay nakatingin din dito.

May nagmamaoy na ba sa kanila?

“You know what? I'll just leave. Enjoy the rest of the night—”

“L-leave? hik! S-sinong aalis diyan, ha?!” pagsingit ni Zelica sa usapan dahil umamba silang lalabas na ng kwarto.

Bakit siya aalis?! Kakabuhay ko nga lang ulit, eh! Kaya ayaw ko ka-inuman ‘yong mga taong nagmamaoy, eh!

Kaagad na nalipat kay Zelica ang atensyon ng lahat. Napakunot ang kaniyang noo at napanguso pa siya habang masama ang tingin sa lalaking nagsisimula ng drama sa inuman.

“A-aalis ka? hik! H-hindi pa nga tayo nag-eenjoy, eh!” humahagikgik na usal ni Zelica at saka inabot ang song book para hanapin ang favorite niyang kantahin sa mga ganitong oras kapag may mga nagkakapikunan na sa inuman.

Kaagad tinipa ni Zelica ang numbers ng kaniyang kantang gusto kantahin sa karaoke machine. Nagsimula siyang umindayog sa ritmo ng kanta habang kinukuha ang mic sa isang lalaking nakatanga na sa kaniya.

“Ako’y nasa Malate, alas-siyete ng gabi. Nakilala ko tuloy itong magandang babae. Na nakabibighani sa aking mga mata. Ang ‘di ko lang alam ay manloloko lang pala!” malakas at puno ng emosyong pagkanta ni Zelica habang hina-hype niya pa ang mga kasamahan sa kwarto.

Nakanganga lang ang mga ito na para bang hindi maintindihan ang ginagawa niya ngayon.

Out of the character ba ako kapag lasing?

“When the night has come. Oh, yeah, at pinatay ang ilaw. Oh, madalas, lumalabas, Banyo queen! Oh darling, darling, stand by me. Oh-oh stand by me. Oh madalas, lumalabas, Banyo queen!”

Nagsimulang makisali sa pagsasaya ni Zelica ang mga kalalakihan habang pinagtatawanan siya ng mga ito.

Nasaan na ba si Cathy? Matatapos na akong mag-perform pero hindi pa rin ito nakakabalik sa kwarto.

Sinilip ni Zelica ang lalaking gustong mag-amok kanina pero nakatingin na lamang ito sa kaniya at palihim na natatawa sa pagkanta niya kaya medyo napanguso naman siya.

“Tinutok ko, pinasok ko, and boy, walang daplis! At ang sabi niya sakin ah! uh! ah! ah! Andrew, Andrew, oh, sige pa! Oh, sige pa! Tumagilid, tumihaya, lumuhod at dumapa at nang matapos na kami sabi niya sa akin. Sh*t, isa pa nga!” masigasig na pagkanta ni Zelica at nang matapos siya ay nagpalakpakan ang mga ito na para bang ngayon lang sila nakakita ng ganoong klase ng performance.

Well, ako na 'to, eh! Partida lasing pa ko niyan.

“Ayos ba, ha?” pagtatanong ni Zelica sa lahat at nagtanguan ang mga ito habang tumatawa. Tumingin ulit siya sa lalaking nakaupo lang sa sulok at nagtama ang mga paningin nila.

“Grabe pala performance ng mga babae sa bar na ‘to, eh!”

“Huh?” nagtatakang tanong ni Zelica lalo na nang lumapit ang isang lalaki para akbayan siya.

“Pero that’s not what we paid for. Come on, show us something more exciting!” bulong ng lalaki kay Zelica.

Nagtindigan lahat ng mga balahibo ni Zelica sa katawan. Napakunot ang noo niya at lalayo na sana pero mariin ang pagkakahawak nito sa kaniya.

“Strip now,” seryoso at may halong panggigigil na utos ng lalaki kay Zelica kaya naman napatanga rito.

“Huh, anong pinagsasasabi mo?”

Anong binayad? Eh, nag-iinuman lang naman kami rito. At saka anong pinagsasasabi nitong maghubad na ako?!

“I’m a very short tempered person so let me help you…” akmang hahawakan ng lalaki ang katawan at damit ni Zelica nang pigilan ito ng lalaking nasa sulok lamang kanina. Masama ang tingin nito sa lalaki habang nagpupumiglas ito sa mariing hawak nito.

“Dude, what the f*ck is your problem?!” buwelta ng lalaki. Kaagad na pumagitna ang ibang lalaki sa kanilang dalawa dahil parang magsusuntukan na ang mga ito.

Inilagay si Zelica ng lalaking nagligtas sa kaniya sa likod nito na para bang pinoprotektahan siya nito.

“Kanina ka pa, eh. Sobrang drama mo! Oh, ano naman ang meron ngayon?” tanong ng lalaki pero hindi kumibo ang lalaking nasa unahan ni Zelica. “You can go now, Hideo. I don't f*cking care about you now. This is not your business anymore.”

Nalilito na si Zelica sa nangyayari habang nasa likod siya ng lalaking nagligtas sa kaniya. Ang bango-bango nito at halatang maskulado ang pangangatawan.

Hideo? Iyon ba ang pangalan ng lalaking nagligtas sa akin?

Halatang napipikon na ang lalaki at saka lumapit ulit kay Zelica para hilahin siya pero pinoprotektahan siya ng lalaking tinatawag nilang Hideo. Malaking tao ito kaya mabilis lang nitong naitutulak palayo ang lalaki at tumitilapon talaga ito pabalik sa grupo nila.

“She's my business now, don’t you dare touch her,” malalim at walang emosyong usal ni Hideo at natawa naman ang lalaki nang dahil doon.

“So you want her now? Sosolohin mo siya? Tumatalab na ba ‘yong nilagay namin sa inumin mo kanina?” mapang-inis na tanong ng lalaki na ikinakuyom ng mga kamao ni Hideo ang kamao sa sobrang inis.

He really freaking clenched his jaw! Ngayon lang ako nakakita ng ganoon and put*ngina, sobrang hot pala tignan!

“You’re so f*cked up, Xykiel. This is the last time I'll ever hang out with you,” usal ni Hideo at saka hinila palabas ng kwarto si Zelica.

Wala na talaga sa huwisyo si Zelica dahil hinayaan niya ang sariling dalhin ni Hideo. Naririnig pa niya ang sunod-sunod na pagmumura ng lalaki pero pabagsak na isinara ni Hideo ang pintuan.