Chapter 58

Savina Pov

Pagmulat ko ng aking mga mata ay aking paligid ang agad kong sinuri. Nasa loob na ako ngayon ng aking silid. Buhay ako. Humihinga pa at walang sugat. Hindi ako pinatay ni Desmon. Muling nabuhayan ako ng pag-asa. Bumangon ako sa kama at lumabas sa aking silid para sana puntahan si Desmon at kausapin. Ngunit biglang nagbago ang aking isip nang mapansin kong ang tahimik yata ng buong paligid. Lumabas ako sa bahay niya at nakita kong manaka-naka lamang ang mga sundalong omega na nagpa-patrol sa labas ng bahay niya. Nagtaka ako kung bakit nabawasan yata ang mga sundalo ni Desmon. Ngunit hindi ko na masyadong inisip pa ang dahilan kung bakit kaunti lamang ang mga sundalo sa paligid. Bigla kasing pumasok sa aking isip ang isang ideya.

"Hey! Puwedeng magtanong?" tawag-pansin ko sa sundalong dumaan.

"Ano ang kailangan mo sa akin?" masungit na tanong ng sundalo. Pagkatapos ay biglang naging alerto ang hitsura nito. "Kung may binabalak kang hindi maganda ay huwag mo nang ituloy. Masa