Chapter Fourty

Olivia

Matatapos na kami sa pagkain nang marinig kong magsalita si Daddy.

“Nasaan nga pala si Lloyd? Bakit hindi natin kasabay ang anak mo sa pagkain?” tanong niya.

Nang marinig ko iyon ay nagkunwari pa rin akong walang pakialam kahit na sa loob ko’y gusto kong marinig ang paliwanag ni Daddy Richard ukol doon. Sa totoo lang, wala naman dapat akong pakialam kay Lloyd, ‘e.

Asawa ko siya ngunit hindi ko dapat pinagtutuunan ng pansin ang lalaking ‘yon pero kung hindi ko gagawin ‘yon, sino ang gagawa no’n para sa kaniya. Matigas ang puso ni Lloyd ngunit alam kong may kaunti pang tiyansa na magbago siya.

Sa sandaling panahon na nakasama ko si Lloyd, may tinatago siyang tamis at minsan ko nang naramdaman iyon. Kaya’t kung ang maiayos ang buhay ni Lloyd ang solusyon upang makalaya ako sa kasal namin ay gagawin ko ang lahat para lamang maisakatuparan iyon.

Alam kong mahirap ngunit kailangan kong gawin iyon. Kailan kong gawin ang lahat upang mangyari ang nais ni Daddy Richard na mangyari sa ana