016

Ilang araw na ang lumipas mula nang magpunta ako sa mansyon ng mga Antonio. Ilang araw na din na hindi kami nagkita ni Darius. Ilang araw na din mula nang magpalit ako ng number, para iwasan siya kung sakali man at para na din hindi ako makontak nina nanay.

Am I stress free? I can't tell. Nakakapanlata ang bumangon kada araw para maghanap buhay pero ganunpaman, kailangang lumaban.

Napag-isip-isip ko na sumubok din sa negosyo. Iyong malayo sa linya ng business ni Camila dahil wala naman akong plano na kalabanin siya.

Hindi ko pa naman ngayon sisimulan, dahil wala naman akong pang-capital. Nasimot na talaga ang savings ko. Ayaw ko namang ibenta pati ang sasakyan ko dahil magtataka na talaga sina Amanda at Camila.

"Bakit mo binebenta ang mga gamit mo?" tanong ni Camila. Malalaman at malalaman talaga niya ang ginawa ko lalo at friends kami sa mga social media account namin.

"Naisipan ko lang na mangolekta ng iba."

"Sure ka? Hindi ka naman ba gipit? Iyong totoo?" Malakas talaga ang pa