GABI na nang makarating si Lance sa bahay ng mag-asawang Jay–Jay at Kate sa Corinthian Gardens para dumalo sa meeting ng barkada nila. Taon-taon ay nagsasagawa sila ng fund rising campaign para Jason Monteclaro Youth Foundation at makatulong na rin sa kanilang mga magulang na siyang aktibo sa foundation. Jason Monteclaro was Jay-Jay’s late father isa na matalik na kaibigan ng kanilang mga magulang. Namatay ito matapos tambangan ng mga tulisan ang yateng sinasakyan nito kasama ng mga kaibigan sa Palawan. Itinatag nina Lola Amelia at Lolo Frank, grandparents ni Jay-Jay ang Jason Monteclaro Youth Foundation bilang pag-alala sa anak. Nagkasundo naman ang mga magulang nina Lance na ipangalan sa kaibigang si Jason ang lahat ng lalaking magiging anak ng mga ito. Kaya lahat silang lalaki sa barkada nila ay may Jason sa pangalan. “What did I miss?” tanong ni Lance at isa–isang binati ang mga kaibigan sa pamamagitan ng high five at tapikan ng balikat sa mga lalaki at yakap at
NANINIWALA si Laura na nasa ligtas at nasa maayos na kalagayan si Tamara. May mga araw talaga na hindi sila nag-uusap ng kaibigan lalo na kapag pareho silang abalang-abala sa trabaho. Sigurado siyang tatawagan siya nito kung kailangan nito ng tulong niya. Gayunman, hindi pa rin niya maiwasang mag-aalala lalo dahil tatlong araw na silang walang balita rito. “I’m sorry, wala pa rin akong balita kay Tamara,” apologetic na sabi ni Demay nang mag-video call sila nang umagang iyon. Isa si Demay sa mga kaibigan na pinagtanungan ni Laura sa paghahanap kay Tamara. Sinadya talaga niyang kontakin si Demay at ipaalam dito ang nangyari dahil maraming sources ang kaibigan niya na maaring may alam sa kinaroroonan ni Tamara. Nangako naman si Demay na hindi ilalabas sa publiko ang pagkawala ni Tamara. “It’s okay. I understand,” aniya na sinundang ng buntong-hininga. “Don’t worry. Magtatanong-tanong pa rin ako. Kung hanggang bukas wala pa rin tayong balita, ako mismo ang pup
TANGHALI na nang magising si Laura. Ayaw pa sana niyang bumangon dahil gabing-gabi na siya nakauwi kagabi mula sa ilang araw na pagliliwaliw sa Camarines Sur para kumuha ng litrato. Pero nagugutom na siya at kailangan niyang magpadala ng e-mail sa isang kaibigan. Matapos gumamit ng banyo at mag-ayos ay lumabas na ng silid si Laura dala ang kanyang laptop at cell phone. Nakangiting napailing na lang siya nang marinig ang malakas na tili at tawa ni Tamara nang mapadaan siya sa guest room na inookopa ng kaibigan sa kanyang bahay. Alam niyang kasama nito sa silid si Ethan. Nakita niya ang kotse ng binata sa garahe kagabi. Mahigit isang buwan na ang nakalilipas magmula nang magkabalikan sina Tamara at Ethan at halos hindi na mapaghiwalay. Ipinilit talaga ni Laura na sa kanyang bahay tumuloy si Tamara at hindi sa bahay ni Ethan kapag nasa Pilipinas ito dahil gusto niyang makabawi sa kaibigan sa pagpapatira nito sa kanya sa bahay nito sa matagal na panahon.
MAKALIPAS ang ilang minuto matapos makaalis nina Tamara at Ethan ay in-off na ni Laura ang laptop. Palabas na siya ng kusina nang makasalubong niya si ‘Nay Iska. “Okay lang ho kayo, ‘Nay Iska?” nakakunot ang noong tanong ni Laura nang mapansing balisa ito. “Si ‘Tay Nato mo kasi malalala na yata ang katarata n’ya sa mata. Halos hindi na raw makakita ‘yung kanang mata n’ya at malabo na rin daw ‘yung kaliwa. Maaari ba kaming umalis ngayon para maipatingin sa doktor ‘yung mga mata n’ya.” “Oo naman ho. Sasamahan ko na ho kayo sa doktor,” mabilis na desisyon ni Laura. “Pero ‘di ba hindi ka pa gaanong nakapagpahinga. Kaya na siguro namin ni ‘Tay Nato mo na magpunta sa doctor.” “Mas mabuti, ‘Nay na kasama n’yo ako. Magbibihis na ho ako. Maghanda na rin ho kayo,” sabi ni Laura at kaagad nang nagtungo sa kwarto. Naghihintay na sa garahe si ‘Nay Iska at ‘Tay Nato nang bumaba si Laura. Napailing ang dalaga nang makita ang p
“BRO, tuloy na tuloy na pala ang partnership n’yo ni Ate Francine,” sabi kay Lance ni Gabe habang kumakain sila sa O21 Bar and Restaurant. Pinsan ni Lance si Gabe at nakababatang kapatid ni Francine. Nag-group text si Gabe kagabi at nagyayang maglaro ng basketball sa Friend Jungle nang umagang iyon. Pero silang dalawa lang ni Gabe ang sumipot kaya nauwi na lang sila sa pagji-gym. Pagkatapos ay nagtungo sila sa O21 Bar and Restraurant. “Yup, tuloy na talaga dahil pinayagan na s’ya ng Papa Angelo n’yo na mag-resign sa Builders. Bukas bibisitahin namin ‘yung unit na possible naming rentahan sa Alegre Building.” “Cool. If you need help in any form, magsabi lang kayo ni Ate Francine, bro. Susuportahan at tutulungan namin kayo ni Bel,” sabi ni Gabe. “Thanks, bro,” nakangiting sabi ni Lance. Si Bel ang asawa ni Gabe. Isa ring interior designer si Bel at papalit sa maiiwang posisyon ni Francine sa Builders. Ginulat ni Gabe ang lahat ilang ta
NAPAKUNOT-NOO si Laura nang tumunog ang kanyang cell phone at makitang si tumatawag si Ethan. “Hey, Ethan what’s up?” sabi ni Laura nang sagutin ang tawag. As expected, kaagad na nagkaayos sina Tamara at Ethan matapos na pormal na nakipaghiwalay si Ethan kay Celine. Nakabalik na sa London si Tamara pero babalik din kaagad ito sa Pilipinas sa oras na matapos ang mga proyekto nito. Naging matagumpay naman ang operasyon ng mga mata ni ‘Tay Nato. Maayos na itong nakakakita at nakakapagtrabaho. Minabuti ni Laura na manatili muna sa Pilipinas ng ilang linggo pa matapos makatanggap ng panibagong trabaho. “Hi, Laura. Sabi ni Tamara nandito ka pa sa Manila. Busy ka ba? Can I ask you a favor?” “Hmm.. anong favor?” “Kailangan kasi ng professional photographer ng kaibigan kong si Kate para sa kasal na in-organize n’ya. She’s an event planner and owner of K Projects event management firm. Naaksidente kasi ‘yung kinuhang photographer ng
DUMATING ang araw ng charity game na ilang beses ding na-reschedule. Hindi na sana magpa-participate si Lance dahil sa naging pag-aaway nila ni Ethan. Bukod doon ay halos kalahati ng miyembro ng barkada nila ay galit sa kanya. Kinumbinsi lang siya nina Jay-Jay at ng iba pa na mag-participate sa basketball dahil para sa foundation ang dahilan ng paglalaro niya at hindi sa ibang tao. Nagulat si Lance nang malamang kasali rin sa basketball ang sikat at ubod ng yabang na PBA player at teammate nina Troy at JD na si Ram Salas. Ang alam kasi niya ay bawal sumali sa “ligang labas” ang mga PBA player kaya hindi nagawang mag-participate nina Troy at JD. Hindi pinayagan ang mga ito ng liga at ng team ng mga ito nang magpaalam kahit pa para sa charity ang paglalaruan ng mga ito. Malapit na rin kasing magsimula ang PBA at nag-aalala ang management ng team na ma-injure ang dalawa. Pareho pa namang mahalaga sa team sina Troy at JD. Naging teammate ni Ethan si Ram. Sandali l
One year later ABALA si Laura sa pag-eedit ng mga picture sa computer nang biglang pumasok sa kanyang home office si Tamara. “I’m getting married!” masayang-masayang anunsyo nito. Natawa si Laura. Itinigil niya ang ginagawa at hinarap ang kaibigan. “I know, friend. I know.” Mula sa London ay patagong dumating sa Pilipinas kagabi si Tamara para dumalo sa high school reunion at sorpresahin ang nobyong si Ethan. Pero si Tamara pala ang masosorpresa dahil nag-proposed ng kasal si Ethan sa mismong reunion na kaagad namang tinanggap ng kaibigan niya. Bago matapos ang reunion ay tinawagan siya ni Tamara at masayang ibinalita ang ginawang proposal ni Ethan. Ang totoo ay ilang linggo na ring alam ni Laura ang tungkol sa proposal dahil pasikreto siyang kinausap ni Ethan nang huli nitong bisitahin si Tamara sa London. “You’re the most important person in Tammy’s life… aside from me,” nakangiti pero halatang kinakabahan na sabi sa ka