SIY-18

ILANG beses nang sinampal ni Anna ang kaniyang sarili upang magising siya sa kahibangan matapos mangyari ang hindi dapat mangyari sa kanila ni Brett sa opisina. Pero ano pa nga ba ang magagawa niya kung dinadaya ng katawan niya ang isipan?

Ang gusto ng isipan niya ay dumistansya kay Brett at huwag magpapahulog sa mga simpleng ngiti at haplos nito. Pero todo kontra naman ang kaniyang katawan at hindi pumapayag na hindi siya gumanti sa yakap at halik ng binata, dahil hanggang ngayon ay alam ng isip, puso at katawan ni Anna na mahal pa rin niya si Brett. Mahal niya ang lalaki simula noon at magpahanggang ngayon. Walang nagbago, lalo lamang lumalala at tumatag ang pag-ibig niya sa lalaki. Kaya hindi niya magawang magpaligaw o sagutin ang mga nanliligaw sa kaniya, dahil si Brett pa rin ang laman ng puso niya.

"Anna."

Ang malambing na boses na iyon ay nagmumula sa lalaking iniibig ni Anna. Dahan-dahan siyang lumingon sa likuran niya at nakitang nakatayo si Brett ilang dipa ang layo mula