Kabanata 13

✖-✖-✖-✖

Nakatayo si Holly sa labas ng gate ng katabing bahay dala ang ipinahanda niyang hapunan kay manang Celesta. Nakita kasi niya si Khalil kanina na pumasok dito, hula niya ay dito na ulit ito tumutuloy matapos nang huli niya itong makita. Tatlong araw na rin ang lumipas simula nang mangyari ang insedente at hindi manlang s'ya nakapagpasalamat sa lalaki.

"Oh, Holly? Pasok ka, pasok ka," sabi ni aleng Demi, ang may-ari ng bahay. 

"Salamat po. Dito po ba tumutuloy si Khalil?" Sumunod s'ya sa matanda. 

"Ah, iyong gwapong lalaki ba?" 

Pakiramdam ni Holly ay namula na naman ang mukha niya nang tingnan s'ya ng matanda na may nanunudyong tingin. 

"Oo, andito nga s'ya. Nasa taas. Halika at ihahatid kita. Nobyo mo ba s'ya, hija?"

Napalunok si Holly at parang sinindihan na ang buong mukha niya. "H-Hindi po. Kaibigan ko lang po s'ya."

"H'wag ka ng mahiya. Bagay naman kayo. Oh sige