Kabanata 16

Ilang minuto ang lumipas nang bumitaw na rin si Khalil. Hinaplos niya ang pisngi ni Holly habang mataman itong tinitingnan sa mga mata.

Napatitig naman si Holly sa lalaki. Gusto niya ng sagot.

"Gusto mo rin ba ako?" tanong niya.

Pero sa halip ay nag-iwas ito ng tingin. "Ihahatid na kita."

Napatango s'ya ng tipid. Ano pala ang ibig sabihin ng halik na 'yon?

"Kung gano'n, bakit mo ako hinalikan?" Hinawakan niya si Khalil sa braso at saka ito pinaharap sa kaniya. Sinalubong niya ang malungkot nitong mga mata.

"I'm sorry," sabi lang nito at saka tumayo. "It's late. Kailangan mo ng umuwi."

Malamya s'yang tumayo at sumakay na rin. At habang nasa byahe ay walang umiimik. Hanggang sa makarating ay tahimik pa rin silang dalawa. Umasa s'yang sasabihin nito na gusto rin s'ya nito at 'yon ang ibig sabihin ng halik na 'yon.

"T-Thank you," sabi ni Holly. 

"Huwag kang magpasalamat."

Kinapitan ulit niya ito na