CHAPTER 126: THE MOTHER SHE GREW UP WITH

Kabado akong nakasakay ng sasakyan ni Jacob. Ilang linggo na ang lumilipas, pero hanggang ngayon ay hindi pa rin sinasabi ni Jacob kung saan kami pupunta. Hindi ko maiwasang kabahan at hindi ko rin alam kung bakit ganito ang nararamdaman ko.

“Ayos ka lang ba?” tanong sa akin ni Jacob nang makita niyang hindi ako mapakali sa kinauupuan ko.

Pilit naman akong tumango.

“Oo naman, ayos lang. Pero hindi mo ba talaga sasabihin sa akin kung saan tayo pupunta?”

Huminto ang sasakyan namin sa daan, hinihintay na bumalik sa normal ang trapiko dahil traffic sa oras na iyon.

“Pupunta tayo sa Mama mo.”

Kumunot ang aking noo.

“Kay Mama? Bakit, nandito ba siya sa Manila? Sa pagkakaalam ko ay nasa Cebu siya.”

Umiling si Jacob.

“Hindi si Tita Ariella ang tinutukoy ko, Gab.”

Mas lalong nagsalubong ang kilay ko nang marinig ang sinabi niya. Nang mapagtanto ko kung anong nasa isip niya ay saka ako marahang napatango.

“Ang tinutukoy mo ay si Miss Diana Samonte?” mahinang tanong ko.

Sa totoo lang, hindi ko a