CHAPTER 85: GABRIELLA, THE SUPERHERO  

Pagdating ko sa unit ko ay agad akong naghugas ng katawan. Gusto ko sanang maligo pero laging sinasabi ni Kuya na kapag pagod ako, mas mabuti kung maghugas nalang ako ng katawan.

Nilinis ko ang mga nakakalat na libro sa living room, iyon ang mga librong ginamit ko kagabi pero nakalimutan kong ibalik sa lagayan dahil tinanghali ako nang gising kaninang umaga. Lately, naging hobby ko na ang pagbabasa. May mga pagkakataon din na nagpipinta ako kaso, hindi ko na iyon natatapos katulad ng dati. Lahat ng mga ginagawa ko ay nakahilera sa work in progress na project.

Pagkatapos kong mag-asikaso ng mga kalat, nagtungo ako sa kusina para kumuha ng tubig sa ref. Kumuha na rin ako ng ilang lata ng alak at dinala iyon sa living room. Fried chicken kasi ang inorder ko. Dalawang bucket para tig-isa kami ni Anton.

Malakas ang pakiramdam ko na sobrang down siya ngayon. Malaki ang naitutulong ng pagkain sa paggaan ng mood ng isang tao kaya naman ito ang naisip kong paraan para pagaanin ang loob niya.

I