EPILOGUE

"Ito ang bahay mo?" tanong ni Grantt nang makababa na kami.

Dinala ko siya rito sa bahay ni Sabrina sa Antipolo. Ang totoo ay kanina pa ako kinakabahan. Ngayon ko sa kanya ipapagtapat ang tungkol sa kay Graxylla.

"Ah, kay Sabrina bahay ito," sagot ko habang kinakalma ang aking sarili.

"Oh, pwede na tayong bumalik sa bahay natin sa Tagaytay. Nakausap ko na si Mommy and she's fine with that. Gusto ka rin niyang makausap at mag-sorry sa'yo."

Ngumiti naman ako at tumango. May natanggap din akong message kahapon mula sa kanyang ina. Hindi ko na lang muna ni-reply-an dahil gusto ko munang malaman nilang lahat ang tungkol sa anak namin.

"L-Let's get inside," saad ko na lang at hinawakan ang kanyang kamay.

"Nanlalamig ang kamay mo, ayos ka lang ba? May sakit ka ba, Yong?"

Nakagat ko naman ang pang-ilalim na labi ko para hindi niya mahalatang nangangatal din ako. Hindi ko alam na ganito pala kalala ang kabang mararamdaman ko.

"I'm f-fine," simpleng sagot ko at binuksan na ang main door. Igin