Chapter 41

Pagkatapos maligo ni Abraham ay tanging puting tuwalya lang ang suot niya nang bumaba siya sa kusina para magluto ng breakfast. Malaki ang tiyansa na ma-late siya sa ginagawa niya pero mas priority niya ang maakit ang dalaga.

Nadatnan siya ni Yvonne sa kusina na ang tanging suot lang ay itim na apron at puting tuwalya. Kita niya kung paano siya pasimpleng tingnan ng dalaga.

Habang nagluluto ay sinadya niyang i-flex ang muscles niya. Gusto niyang ipakita sa dalaga ang mga braso niyang kayang bumuhat dito nang walang kahirap-hirap. Pero napasimangot na lang siya nang mapansing nasa cellphone nito ang atensyon at may pangiti-ngiti pa habang nagta-type.

Nakasimangot niyang inilapag ang pagkain sa mesa. "Kain ka na," walang gana niyang sabi. "Magbibihis lang ako."

Napamura na lang siya sa kanyang isipan saka umakyat sa kwarto para magbihis.

**

Dama na ni Abraham ang init ng ulo niya. Patapos na ang araw pero wala pa ring nangyayari sa pang-aakit niya. Lahat na ng pwedeng gawin ay ginawa na