BOOK 2- THE BEGINNING

Kanina pa naiinip si Samarra pero wala naman siyang magawa kung hindi tingnan ang asawa na inaayos ang projector. Matapos kasi nitong i-set-up ang projector at maayos ang kanilang pwesto. Saka naman nagloko. Bigla na lang iyon nag-blackout bago pa man magsimula ang kanilang panonoorin na pelikula. Kaya ang ending kanina pa siya nakatunganga sa asawa na abala sa pag-aayos ng projector. Wala siyang ideya sa pag-aayos ng mga ganoon kaya nagkasya na lang siya na tumingin sa asawa. Kaya gustuhin man niyang tumulong ay hindi niya magawa.

“Cadden,” mahinang tawag niya.

“Hmmm….” Patuloy lang ito sa pagkalikot ng projector para paganahin.

“Matagal pa ba ‘yan?” naiinip niyang wika.

Kung siya ang tatanungin, mas gusto na lang niyang tumambay sa labas ng kanilang tinutuluyan habang nagpapaantok.

“Sandali na lang ‘to, Love,” wika ni Zachary na sandaling lumingon sa kaniya.

“Gusto mo bang tulungan na kita?” pag-aalok pa niya ng tulong sa asawa.

Tumayo siya sa kinauupuan niyang bean bag couch a