KABANATA 5

Literal na laglag ang panga ni Samarra sa narinig. Umuwang ang kaniyang labi at ilang beses pa niyang ikinurap-kurap ang mga mata. Pilit in-a-absorb sa isip niya kung tama ba ang narinig niya.

Kumunot-noo siya habang nakatingin kay Ezekiel.

Prank lang ba ito? O, baka naman panaginip lang ang lahat ng ito?

Pasimple niyang kinurot ang gilid ng hita para malaman kung gising nga ba siya at totoo ang lahat ng nangyayari.

Nang makaramdam ng sakit ay pigil na pigil niya ang sarili na kumibot ang labi niya. Para siyang maiiyak na hindi niya maintindihan.

Did I hear it right?

Isa pang pagdududang sulyap ang ginawa niya sa mga mata nito para arukin kung binibiro ba lamang siya nito o hindi.

He loved me when I was nine years old?

How did that happen?

Have we met before? How did he say that?

Napalunok si Samarra habang hindi niya inaalis ang mga mata kay Ezekiel na kaagad din sinalubong ng seryoso nitong mga mata ang sa kaniya. Hindi niya mabasa ang ekspresyon sa mukha nito. Nahihirapa