Chapter 5-Paghanga

"Sir, tumatawag pong muli ang ina ni Miss Cheska," pukaw ni Teddy sa biglang pananahimik ng binata.

Naputol ang pagbabalik tanaw ni Travis at marahas na nilingon si Teddy. "Ikaw na ang kumausap."

Napakamot sa batok si Teddy at mukhang biglang dumoble ang edad. No choice siya lalo na at tumalikod na ang dominanting binata. Inihanda na niya ang kaniyang tainga bago sinagot ang tawag ng ina ni Cheska.

"Bakit ang tagal mong sagutin ang tawag ko? Hindi mo ba ako kilala at binabaliwala mo ang aking tawag? Nasaan ang arogante mong amo?"

Bahagyang nailayo ni Teddy ang hawak na aparato sa tainga dahil sa lakas ng boses ng ginang. Sa dami na niyang na encounter sa tawag dahil siya ang sumasagot sa mga tumatawag kay Travis, kakaiba itong ina ni Cheska. Bukod sa feeling VIP ay masakit pa sa tainga ang matinis nitong tinig. Pang-ilang beses na bang tanong nito iyon? Bata pa naman ito para maging ulyanin. Mabuti na lang talaga at hindi matuloy ang kasal, ayaw niyang lagi siyang tawagan para hanapin ang asawa ng anak nito.

"Sabihin mo ito kay Travis, kapag may nangyaring masama sa anak ko dahil sa pagtataksil niya, hinding-hindi ko siya mapapatawad!" pagpatuloy na ani ng ginang.

"As if naman matakot mo ang isang iyon," ani Teddy pero syempre hindi kayang isatinig iyon. Asawa ng mayor ang ginang at baka bigla pa siyang makulong.

"Makararating po, senyora!" magalang na sagot ni Teddy sa ginang.

"Nasaan ba kayo ngayon? Gusto kong makausap ng masinsinan si Travis."

Napailing si Teddy nang biglang huminahon ang tinig ng ginang. Ganito ito kapag may kailangan sa kaniya. "I'm sorry po, senyora, pero mahigpit ang bilin ni Mr. Villanova, na ayaw niya paisturbo sa ngayon. Ang tungkol sa nangyari sa hotel ay pinaimbistigahan pa niya."

"Sabihin mong matutulungan siya ng aking asawa sa paglutas ng kaniyang problema ngayon, hindi na niya kailangang ikansela ang kasal nila ng aking anak." Mahinahon pa rin ang pananalita ng ginang.

"Sasabihin ko po iyan, senyora, pasensya na po kung hindi pa niya kayo makausap dahil tulog pa siya. Pero nagbilin siya kanina na kapag tumawag kayong muli ay hintayin na lang ang pagbabalik niya riyan sa syudad."

Rinig ni Teddy ang paghinga ng malalim ng ginang. Wala rin naman mga ito magawa kahit magalit pa. Walang kinatatakutan ang masungit niyang amo kahit president pa ng bansa. Nagawa niyang magsinungaling para tumigil na ang ginang sa pangungulit sa kaniya. Nang maibaba na ng ginang ang tawag ay hinanap ni Teddy ang binata. Pero nang makitang nakahiga ito sa sofa at tahimik ay hindi na niya inisturbo pa.

Pinilit ni Travis na makatulog kahit kaunting oras lang. Ngunit maging sa panaginip ay binabagabag siya ng isang gabing pakipagtalik sa isang babaeng hindi nakilala o naaninag manlang ang mukha.

"May masakit po ba sa iyo? Halika, kuya, tulungan kitang makaalis dito!"

Napabalikwas ng bangon si Travis, kahit sa panaginip ay ang linaw ng boses ng babae. Napakunot ang kaniyang noo nang maanalisa ang sinabi ng babae bago pa niya ito nagalaw. Sigurado siyang lasing ang babae. Sa pananalita nito ay mukhang inosinte at gusto lamang siyang tulungan. Kailangan niyang mahanap ito, bukod sa baka mabuntis ay tiyak na may alam ito sa kung sino ang nagtangkang sirain ang kaniyang pagkatao. Hindi siya basta nakikipagtalik sa babae at naging maingat. Ayaw niya kasing magkaroon ng anak sa kung sinong babae lang.

"Sir, gising na po ba kayo?" biglang nabura ang alanganing ngiting nakapaskil sa labi ni Teddy nang kunutan siya ng noo ng binata. "Sabi ko nga po, gising na kayo at hindi na dapat tinatanong." Kumakamot sa ulo na anito.

"Tawagan mo ang aking abogado at si Detective Cyrus. Ipasundo mo sila sa chopper."

"Right away, sir!" Sumaludo pa si Teddy sa binata bago nag-dial ng numero sa cellphone. Unang tinawagan ay ang abogado bago ang detective.

Hindi na nagtanong pa si Cyrus kung bakit siya gustong makausap ni Travis at sa exclusive resort pa nito. Mapalad siya at may tiwala sa kaniya ang lalaki, hindi lang bilang kaibigan kundi sa mga secrets nito na walang ibang dapat makakaalam. Nang malaman na makasabay niya ang abogado ay naisip niyang mukhang mas seryuso ang case na ipatatrabaho sa kaniya ng kaibigan.

Ilang oras lamang ang pinaghintay ni Travis sa pagdating ng dalawang taong kailangang makausap.

"Sir, ito po ang mga dukumentong ipinahanda mo." Abot ng abogado sa papelis na kailangang pirmahan ni Travis.

Seninyasan ni Travis si Teddy upang basahin nito ang nakasaad sa last will testament.

Napalunok ng sariling laway si Teddy  bago binasa ng malakas ang nakasaad doon. Halos maluha pa siya nang mabasa ang kaniyang pangalan doon. "Si-sir, bakit naman po may paganito? Mahaba pa po ang buhay ninyo at—"

"Hindi ko na hintayin na may mangyaring hindi maganda sa akin bago e secured ang maiiwan kong kayamanan."

"Per—" muling naputol ang iba pang nais sabihin nang muling nagsalita si Travis.

"Isa pa, kapag alam ng taong gustong mawala ako sa mundong ito na mapapunta sa ibang tao ang kayamanang maiwan ko, tiyak na magdalawang isip na silang gawan ako ng masama."

"Pero baka ako naman po ang targetin nila, sir, kapag nalamang may mamanahin ako?"

Napailing si Cyrus habang pinagmamasdan si Teddy. Mayroon din naman bahagi ng kayamanan ng kaibigan ang mapunta sa kaniya. Pero mas malaking bahagi ng kayamanan ang mapunta sa charities.

"Puwede ka nang bumitaw sa iyong trabaho kung takot kang madamay sa aking buhay."

"Sir, naman!" Parang batang lumapit si Teddy sa binata. Mamatay muna ako bago ka nila magalaw!"

Sabay na napailing sina Cyrus at ang abogado habang pinapanood ang dalawa. Tinutulak ni Travis si Teddy palayo rito at ang lalaki naman ay kumakapit sa braso nito.

Humugot ng malalim na hininga si Travis at hinayaan na sa kaniyang tabi si Teddy. Mas may edad siya sa lalaki, bukod sa abogado at kay Cyrus ay ito lang din ang malapit sa kaniya. Mas may tiwala pa siya sa ibang tao kaysa sa sariling pamilya. Ang kapatid sa ama ay halatang mas mahal ang mamanahin kaysa kaniya. Hindi niya rin gusto ang ina nito lalo na nang mamatay ang kanilang ama. Ang kaniyang ama ay magaling na negosyante, malaki rin ang share ng kaniyang ina sa kompanya kaya siya ang namamahala. Maliit pa siya nang mamatay ang ina dahil na kidnap ito kasama siya, ibinuwis ng ina ang buhay nito upang makaligtas siya. Mula noon ay naging mailap siya sa mga taong nakapaligid sa kaniya at hindi basta nagtitiwala.

"Kapag may nangyaring masama sa akin, lumayo ka upang hindi madamay." Seryusong bilin ni Travis kay Teddy.

"Wala na po bang babaguhin sa testaminto, sir?" tanong ng abogado.

"May gusto akong idagdag, may nagalaw akong babae kagabi at baka mabuntis siya. Kung sakaling lumitaw sila at napatunayang anak ko ang bata, makukuha nila ang laman ng safety box na naka lagak sa bank. May ilalagay akong password at ito ang salitang huling binitawan ko after naming magkahiwalay."

Hindi na muling nagtanong pa si Ben, talagang tuso si Travis at kahit siya ay hindi alam ang maging password ng safety box. Naka video record ang lahat ng habilin ng binata bukod sa nakasulat sa papelis.

"Kaya mo ba ako pinatawag upang ipahanap ang babaeng nakaniig mo kagabi?" tanong ni Cyrus.

"Yes, walang footage na nakuha mula sa cctv at alam mo na ang ibig sabihin niyan."

Naunawaan ni Cyrus kung bakit nagkaganito ang binata. Halatang planado ang lahat ng ginawa. Naunawaan niya rin kung ang sariling pamilya nito ang pangunahing suspect. Kapag hindi nga naman natuloy ang kasal nito ay walang ibang tagapagmana ang binata kundi ang kapatid. At ngayon ay nagbago ang isip nito sa kasal dahil sa isang babaeng hindi alam kung ano ang hitsura.

Hinayaan na muna ni Travis ang dalawa na manatili pa roon upang makapag relax na rin.

Ang akala ni Teddy ay magtatagal pa sila ng ilang araw sa isla. Ngunit kinabukasan ay biglang nag-alsa baluta naman sila at kailangang pumunta ng ibang bansa ang binata. Sabay na silang apat bumalik sa Manila at nai-book na rin ito ng ticket papuntang Italy.

...

Gabi ang flight ni Shaina at tanging ang kaniyang ama ang naghatid sa kaniya sa airport.

"Mag-ingat ka roon, anak, at huwag na ulitin ang ginawang mali. May isip ka na at matalino kaya huwag mo akong gayahin."

Napairap si Shaina sa ama, mabuti naman at amindado itong mali ang ginagawa nito sa buhay.

"Mula ngayon ay sisikapin kong magbagong buhay para sa iyo."

Napangiti si Shaina at niyakap ang ama. For the first time ay pinili siya nito, "salamat po, dad! Pangako, ibang Shaina na ang makaharap mo sa muli nating pagkikita."

Nakangiting hinaplos ni Gabriel ang ulo ng anak habang tumatango, " that's my girl!"

"Excuse me, please give way!"

Sabay na tumabi sina Shaina at ang ama nang may mga lalaking humawi sa mga taong nakaharang sa daanan ng mga ito. Namukhaan niya ang nagsasalita, ito rin ang lalaking humarang sa kanila nang lumabas sila ng hotel.

"Mukhang makasabay mo pa sa flight ang isang kilalang tao," ani Gabriel sa anak habang tinatanaw ang taong dadaan sa kanilang harapan.

Sinundan ng tingin ni Shaina kung saan nakatutok ang mga mata ng ama. Agad natoon ang kaniyang paningin sa guwapong mukha ng isang lalaki. Malaking tao ito at pangahan ang seryusong mukha. Para itong isang Hollywood star kung lumakad at ang kisig ng pangangatawan. Kahit nakasuot ito ng sunglasses ay nakikinita niyang maganda rin ang mga mata nito.

Ramdam ni Travis na may nakatitig sa kaniya at hinanap niya iyon. Lahat naman ay napatingin sa kaniya pero kakaiba ang kaniyang pakiramdam sa ngayon. Hindi pansin ng babaeng nakatulalang nakakatitig sa kaniya na nakipag-eye to eye na siya rito dahil sa suot niyang dark eyeglasses. Napailing na lamang siya sa hitsura ng babae na mukhang nakakita ng artista habang nakatitig sa kaniya.

"Anak, sumunod ka na sa kanila sa pila at baka ma late ka!" pukaw ni Gabriel sa anak mula sa pagkatulala sa kinatayuan nito.

Mabilis na naitikom ni Shaina ang bahagyang nakaawang na bibig at nakaramdam ng hiya. Nakalampas na ang lalaking hinangaan pero tulala pa rin siya. Agad siyang nagpaalam sa ama at pumali na rin upang mag-check in.

Tama ang ama, bigatin nga ang lalaking makakasabay sa flight. Nakasunod siya rito ngunit may isa pang bantay na nakaharang sa likuran nito. Ang akala niya ay kasama hanggang eroplano ang mga guard ng lalaki. Hinatid lang pala hanggang sa masigurong ligtas itong makasakay sa eroplano.

Pagkapasok sa loob ng eroplano ay hindi na muling nakita ni Shaina ang lalaki. Mukhang nasa VIP seat ito at may harang iyon na makapal na kurtina. Natulog na lamang siya upang hindi mainip sa beyahe.