Alex's PovTahimik lamang ako habang sakay sa kotse ni Art pabalik sa bahay namin. Matapos kong magpaalam sa birthday celebrant na kaibigan ni Daddy ay nilapitan ko si Art at niyayang umuwi na kahit na masaya pa itong nakikipag-usap sa mga kaibigan nito. Ayaw pa sana itong payagang umalis ng mga kaibigan nito ngunit nang makita ni Art ang kakaibang ekspresyon sa aking mukha ay tila nahulaan nito na may hindi magandang nangyari sa party kaya niyayaya ko na siyang umuwi. Hindi na nagpaawat pa si Art sa mga kaibigan niya at agad na niya akong inihatid sa pabalik sa bahay namin."I'm sorry," mahinang paumanhin ni Art sa akin kahit naman wala akong sinasabi sa kanya kung bakit ako tahimik. Iniisip marahil niya na kasalanan niya ang nangyari kung bakit nasira ang mood ko."Wala ka namang kasalana kaya bakit ka nagso-sorry? Kasalanan ng tatlong taong iyon na tila pinagkakaisahan ako," naghihimutok ang dibdib na sabi ko sa kanya."May kasalanan din ako dahil iniwan kita. Kung bumalik sana aga
Alex's PovNang magising ako ay ang napakalakas na ingay nang kung anong makina ang agad kong narinig at ang malakas na ihip ng preskong hangin. Iminulat ko ang aking mga mata para alamin kung ano ang ingay na aking naririnig at bakit malakas ang ihip ng hangin na tumatama sa mukha ko ngunit pagmulat ko ng aking mga mata ay sinalubong ng himpapawid ang aking mga paningin. Napatingin ako sa ibaba at nalula ako sa taas ng kinaroroonan ko. May phobia ako sa height dahil nang bata pa ako ay umakyat ako sa puno ng aratelis sa kapitbahay namin ngunit marami palang pulang hantik na sobrang sakit mangagat. Sa kakapagpag ko sa mga hantik na nangangagat sa akin ay bigla akong nahulog sa lupa at nawalan ng malay. Magmula noon ay natakot na akong magpunta sa matataas na lugar sa takot na baka muli akong mahulog. Kaya naman nang makita kong sobrang taas ng kinaroroonan ko ay biglang nagdilim ang aking paningin at muling nawalan ng malay. Ni hindi ko nga nagawang alamin kung sino ang taong nakahawa
Alex's PovBigla akong nagising dahil sa pagkalam ng aking sikmura. Pagmulat ko ng aking mga mata ay agad kong inilibot sa paligid ang aking mga paningin sa pag-asang panaginip lamang ang nangyari. Ngunit laking pagkadismaya ko nang makitang nasa loob pa rin ako ng kuwartong pinagdalhan sa akin ni Uriel. Hindi ako nananaginip kundi totoo talaga ang mga nangyari. Na kinidnap ako ni Uriel at dinala sa isang isla sakay ang kanyang private chopper. Nanghihinang bumangon ako sa kama at naupo na lamang. Hindi ko namalayan na nakatulog pala ako sa kakaiyak at hindi ko rin alam kung gaano katagal ako nakatulog. Nagugutom na ako ngunit ayokong lumabas at makita ang pagmumukha ni Uriel. Pero naisip ko na kung hindi ako lalabas sa silid na ito ay paano naman ako makakatakas o di kaya ay makakagawa ng paraan para makatakas sa islang ito? Sa aking naisip ay dahan-dahan akong umalis sa kama at naglakad palapit sa pintuan. Bahagya muna akong sumilip sa labas para makita kung naroon ba ang lalaki. N
Alex's PovDahil nag-aalala ako na muling pumasok sa loob ng silid na kinaroroonan ko si Uriel ay nagmadali akong maligo. Nasa loob nga ng silid ang aking maleta at narito ang lahat ng mga gamit ko maliban sa aking cellphone. Pagkatapos kong magbihis ay agad na akong lumabas para magpunta sa kusina. Nadaanan ko si Uriel sa sala na nanunuod pa rin ng television. Tumaas lamang ang kilay niya nang makita ako at hindi nagsalita. Inirapan ko naman siya bago ako nagtuloy sa kusina ng bahay niya.Napansin kong malinis ang kusina sa bahay na ito kahit maliit kumpara sa kusina sa bahay niya sa Maynila. Malinis din ang silid na pinanggalingan ko pati na rin ang sala na tila ba may taong taga-maintain sa kalinisan ng bahay. Saka napansin ko rin na gawa sa kahoy ang bahay ngunit high tech naman ang mga kagamitang narito tulad ng rice cooker at automatic washing machine na nakita kong nakalagay sa laundry area na malapit sa kusina. Naisip ko na dito siguro madalas siyang magbakasyon kasama si S
Alex's Pov"Damn it, Alex! Are you going to kill me?" galit na sita sa akin ni Uriel habang nakahawak ang isa niyang kamay sa nasaktang ulo habang ang isa niyang kamay ay nakahawak naman sa switch ng ilaw.Akala ko talaga ay may masamang tao na gustong pumasok sa loob ng bahay ni Uriel ngunit hindi ko ini-expect na siya pala mismo ang nasa labas at gustong pumasok sa loob."Malay ko ba na ikaw iyan. Akala ko masamang tao kaya pinagpapalo kita ng walis tambo. Ano ba kasi ang ginagawa mo sa labas ng bahay sa ganitong dis oras ng gabi?" nakasimangot na sagot ko sa kanya kasabay ng patatanong."Bahay ko ito kaya lalabas at papasok ako sa loob kahit anong oras," singhal niya sa akin. "At saka sa tingin mo ba ay maipagtatanggol mo ang iyong sarili kung totoong masamang tao nga ang nakapasok gamit lamang ang walis tambo na iyan?""Hindi naman ako nagkamali. Masamang tao naman talaga ang nagtatangkang pumasok sa loob," mahina ang boses na bulong ko ngunit sapat na iyon para makarating pa rin
Alex's PovBigla akong nagising nang tumama sa mukha ko ang isang bagay. Pagmulat ko ng aking mga mata ay damit pala ni Uriel na itinapon sa mukha ko."Gumising ka na at labhan mo ang marurumi kong damit. Kamayin mo lang dahil sira ang washing machine ko," parang hari na utos sa akin ni Uriel habang nakatayo siya sa paanan ng kama. Muli niyang initsa sa mukha ko ang iba pa niyang maruruming damit kaya mabilos na akong napabangon sa higaan."Ano ba, Uriel?! Hindi mo naman kailangang ibato sa akin ang mga marurumi mong damit," inis na sabi ko sa kanya. Ang sarap ng tulog ko tapos iniistorbo niya ako. Ang sarap niyang ipasok sa washing machine at paikutin. Sinira niya ang tulog ko. "Gusto kong ibato sa mukha, bakit? Magagawa ka ba?""Isip-bata," mahinang bulong ko. Hindi ito narinig ng lalaki dahil mahina lamang ang aking boses. Tiningnan niya lamang ako ng masama na tila ba nahuhulaan niyang patungkol sa kanya ang sinambit ko. Pagkatapos niya akong tapunan ng masamang tingin ay walang
Alex's PovGusto ko nang mawalan ng malay habang nakatingin sa lalaking puno ng pagnanasa ang mga mata habang nakatingin sa akin. Kung ito man ay isang masamang bangungot ay gusto ko nang magising. Nang lumundag papunta sa akin ang lalaki ay isang napakalakas na tili ang kumawala sa aking lalamunan. At kasabay ng aking tili ay ang pagbungad naman ni Uriel sa nakabukas na pintuan. Agad itong lumapit sa nabiglang tauhan at inundayan ng magkakasunod na suntok. Hindi tinigilan ni Uriel ang lalaki hangga't hindi ito nakagulapay sa sahig habang duguan ang mukha."Walang hiya ka, Dado! Ang lakas ng loob mong tarantaduhin ako!" pulang-pula sa galit ang mukha na sigaw ni Uriel. Pagkatapos ay inundayan nito ng malakas na tadyak sa tagiliran ang lalaking pumasok sa kuwarto na Dado pala ang pangalan "Tama na, boss. Baka mapatay mo si Dado," awat ng isa pang lalaki na kasunod ni Uriel na pumasok sa kuwarto ko. Kung hindi ako nagkakamali ay siya ang tauhan nitong pumansin sa akin kanina."Talagang
Alex's PovNagising ako kinaumagahan dahil sa masarap na amoy ng sinangag na kanin. Kahit na tinatamad pa akong bumangon dahil medyo masakit pa ang aking buong katawan ay bumangon pa rin ako at pumasok sa banyo para maligo. Malamig ang tubig kaya nag-hot shower ako. Napatingin ako sa aking sarili sa malaking salamin na nasa loob ng banyo. Nangingitim ang gilid ng aking mga labi at medyo may putok din dahil sa malakas na sampal na ibinigay sa akin ng Dado na iyon. Mabuti na lang talaga at dumating si Uriel dahil king hindi ay tiyak na nagtagumpay na ang taong iyon sa masamang binabalak niya sa akin. Ngunit kasabay ng pagkakaalala sa muntik nang nangyari na hindi maganda sa akin kagabi ay ang nangyari naman sa amin ni Uriel. Bahagya akong napangiti at nahaplos ang aking mga labi na inangkin niya kagabi. Para kaming mga uhaw sa isa't isa. Sa tindi yata ng pananabik ko sa kanya ay hindi ko naramdaman itong sugat ko sa aking mga labi. Napailing na lamang ako pagkatapos ay tinapos ko na ang