Chapter 5: Vacation

Buong paghangang ipinalibot ni Bliss ang kanyang paningin sa kabuuan ng Isla nina Asher. Para kay Bliss ay maituturing na paraiso ang naturang Isla. Hindi man kagaya ng Mansyon ang laki ng bahay doon pero mahahalata mo paring mayaman ang may-ari niyon. Fully glass ang pagkagawa ng bahay na nakaharap sa dagat at may swimming pool pa doon. Idagdag pa ang white sand sa paligid, mga trees and mini garden. Naisip ni Bliss na kay sarap manirahan doon presko ang hanging dagat, tahimik at sobrang nakaka-relax.

"How's my Island? This is a private Island," nakangiting tanong ni Asher kay Bliss nang makita niyang kay saya ng mukha nito.

"Ang ganda Senyorito! Tahimik mga alon lang ang maririnig mo ang sarap sigurong manirahan dito." Buong paghangang sagot ng dalaga na namimilog ang mga mata niya.

Tumawa naman si Asher hayun na naman ang pakiramdam niyang naaaliw sa expression ng mukha ni Bliss. Kay gandang pagmasdan iyong tipong habang matagal mong pinagmamasdan lalong gumaganda.

"May dumi ba ako sa mukha Senyorita?" Nagtatakang tanong ni Bliss sabay hawak sa pisngi nito.

Muling natawa si Asher.

"Wala naman! You can live here if you want," aniya.

Mas lalong namilog ang mga mata ni Bliss sa sinabi ni Asher.

"Talaga po?!"

"Yes you can! Siyempre kasama mo ako, be my lover." Sagot ni Asher sabay kindat.

Agad na nawala ang ngiti sa labi ni Bliss at napalabi itong muling tumingin sa dagat. Bahagyang lumungkot ang mukha ng dalaga.

"Why?" Tanong ni Asher.

"Hindi ba ang lover kabit?" Kapagkuwan ay tanong ni Bliss.

Hindi alam ni Asher kung tatawa ba ulit siya o hindi sa sinabi ni Bliss.

"Where did you get that?" Tanong naman ng binata.

"May napanood kasi akong drama Senyorito iyong lover ng lalaki ay kabit niya." Paliwanag ni Bliss.

"Wala naman akong asawa ah! Paano ka naging kabit?" Naka-kunot noong tanong ni Asher.

Humarap naman si Bliss kay Asher ulit na nakalabi pa rin.

"Pero may girlfriend ka po," aniya.

Hindi nakasagot si Asher. Natumbok ni Bliss na may girlfriend nga siya pero niya kailanman aaminin sa dalaga.

"Wala,"

"Sa guwapo mong iyan Senyorito?" Hindi makapaniwalang turan ni Bliss.

Tumatawang pinisil ni Asher ang tungki ng ilong ni Bliss.

"Forget about it. Tayo na sa loob," yaya nito.

Tahimik namang sumunod si Bliss kay Asher ang dalawa nilang kasama kanina ay nadagdagan pa ng dalawa. Ayon kay Asher ay caretaker niya ang mag-asang nadatnan nila doon. Inayos naman ni Bliss ang mga gamit ni Asher maging iyong sa kanya.

"What if sa iisang room na lang tayo?" Biglang tanong ni Asher kay Bliss.

Nabitiwan tuloy ni Bliss ang hawak niyang hanger at damit. Biglang kumabog ang dibdib niya kaya napahawak siya doon.

"O-Okay na po ako dito sa isang kwarto." Nautal na sagot ni Bliss.

"Why? Parang natatakot ka?" Natatawang tanong ni Asher.

Napalunok si Bliss at nilingon niya si Asher na nasa may pinto pa rin.

"Nakakahiya Senyorito saka hindi naman po tayo mag- asawa." Giit ni Bliss.

"But we are lovers!"

Napatungo naman si Bliss na nilaro-laro ang sarili nitong mga daliri.

"Tutal may nangyari na sa atin." Sabi pa ni Asher.

Nakagat ni Bliss ang kanyang labi hindi na naman siya makatingin ng diretso kay Asher.

"Okay. Bilisan mo na diyan we are having lunch," wika na lamang ni Asher nang hindi na sumagot si Bliss.

Tanging tango na lamang ang nagawa ni Bliss at ramdam niyang nag-iinit ang kanyang mukha. Kaya hindi na niya nilingon pa si Asher at sinagot nagte- trembling kasi siya kanina. Kaya binilisan na lamang ni Bliss ang kanyang ginagawa at sumunod na siya kay Asher.

"Aling Digna ano pong niluto niyo?" Tanong ni Asher sa kanyang caretaker nang pumunta ito sa may kusina.

"Inihaw na isda, adobong pusit at sugpo po Senyorito." Masayang sagot ng Ginang.

Ngumiti din naman si Asher namiss niya ang luto ni Aling Digna. Paniguradong mapaparami na naman siya ng kain sa araw na iyon.

"Tagal mong hindi pumunta dito ah," sabi ni Aling Digna nang naghahain na ito ng mga pagkain sa may mesa.

"Naging busy po ako." Simpleng tugon ni Asher at nagsimula na itong kumain.

"Si Bliss?" Naalalang tanong ni Aling Digna.

"Susunod na po iyon," sagot ni Asher sabay lingon sa may pinto ng dining room.

Hindi nga nagtagal ay dumating na din si Bliss na agad itong ngumiti kay Aling Digna.

"Kain ka na hija!" Yaya naman ni Aling Digna nang makita nito si Bliss.

"Salamat po! Kayo po? Sumabay na kayo sa amin," masayang sagot ng dalaga sabay upo.

"Naku mamaya na lang at busog pa kami ng asawa ko." Magiliw na tanggi ng Ginang.

Ngumiti naman si Asher na nakatitig kay Bliss. Napapatanong ang binata kung bakit araw-araw na yata siyang naa-attract sa innocent face ni Bliss. Parang may magneto ang ganda ng dalaga na kay hirap i-resist maski sino. Narinig naman ni Asher ang pagtikhim ni Bliss kaya natawa na naman siya. Kitang-kita ni Asher ang pag-blush ng mga pisngi ng dalaga na mas nakadagdag sa ganda nito.

"Kumain ka na para may lakas ka kapag maglalaban tayo." Pabirong sabi ni Asher.

Nanlaki naman ang mga mata ni Bliss na naudlot ang pagsubo sana nito ng pagkain.

"Laban? Hindi naman tayo magkalaban Senyorito ah!" Depensa ni Bliss na iba ang pagkakaintindi nito sa sinabi ni Asher.

Natawa na naman si Asher sabay pisil sa pisngi ni Bliss na namumula na naman.

"Just eat okay? Huwag mo ng pansinin ang sinabi ko bast maglalaban tayo mamayang gabi." Nakangising sabi ni Asher.

Sumimangot naman si Bliss at bahagya niyang inirapan si Asher na tumatawa pa rin.

"Stop that Bliss you're making me feel like I want you now." Babala ng binata na nagtitimping huwag halikan sa hapag-kainan si Bliss.

Napasinghap naman si Bliss na muling nanlaki ang mga ito at mabilis ng sumubo ng pagkain.

"Good girl!" Ani Asher na ngiting-ngiti.

Nag- concentrate naman na si Bliss sa kanyang pagkain at hindi na niya tiningnan pa si Asher. Naiilang man ang pakiramdam ni Bliss at nahihirapan siyang lunukin ang kanyang kinakain ay pinilit niya pa rin. Hindi siya sanay na kasalo niya sa pagkain ang kanyang Senyorito Asher although masaya naman ang kanyang puso. At hindi niya iyon makakalimutan lalo pa at patindi na nang patindi ang nararamdaman niya para sa kanyang Senyorito Asher.