Chapter 15 - Magsaya Ka

"B-bakit ayaw mong magpa-opera?" Parang may kung anong bumikig sa kaniyang lalamunan nang tanungin niya ito. Sa silid nilang mag-asawa sila nagtungong dalawa. Hawak-hawak pa rin nito ang kaniyang kamay at ginigiya siya nto papasok sa loob.

"Dahil ayuko."

"Bakit?"

"Dahil walang rason, Ffion. Walang rason para makita ang masayang mundo kung ang totoo, hindi ako masaya. Ano ba ang halaga ng paningin kung hindi ko naman nakikita ang babaeng sanay nasa tabi ko ngayon at hindi ikaw."

Ouch! Mariin siyang napakagat ng labi para hindi pumiyok na kausap ang lalaki. Ayaw na ayaw ni Audric na umiiyak siya. "Kung gano'n, habang-buhay ka na lang ganito?"

"Bakit, hindi ba at dahil sa kapansanan kong ito... kaya ka nandito at pinakasalan? Sa tingin mo ba, kung kompleto ang dalawang mata ko, ikaw ang dapat sa katayuan ni Ivony?" Mapakla itong natawa at binitawan ang ang kaniyang kamay. "Anong pinaglalabanan mo ngayon, Ffion? Bakit hindi ka na lang magsaya na kasama mo ako sa Villa na ito? Tutal ayaw mo