Chapter 46

AT sa loob ng isang linggo, sinulit ni Ffion ang lahat. Binalewala niya sandali ang parteng makakasama niya sa isang bahay si Ivony. Hinanda na lamang niya ang kaniyang sarili.

Pinaramdam din sa kaniya ni Audric na mahalaga at mahal siya nito tulad na palagi nitong sinasabi. Alam niyang wala siyang karapatan na kwestyunin kung hanggang saan ang pagmamahal nito sa kaniya, kaya sinusulit niya ang oras na kasama ang asawa.

Wala naman siyang naramdaman pagbabago sa pakikitungo nito sa kaniya. Gano'n pa rin, sweet at maalalahanin pa rin si Audric. Sweet ito sa kama at sa kusina. Kaya wala siyang dapat ikabahala. Sapat na ang pagmamahal na pinapakita at pinapadama sa kaniya ngayon ng lalaki para lumaban.

Hindi nga niya kayang labanan ang angking kagandahan ng babae dahil isa itong modelo. Pero kaya niyang makipagsabayan! Lalo na ngayon alam niyang mahal din siya ni Audric.

Pwede niyang gamitin ang pagmamahal ni Adi panlaban sa ex-fiancee nito kahit ilan porsyento lang ang pagmamahal nito.