Chapter 48

"O hija, kumusta? Inaapi-api ka ba ng higad diyan?"

"Mommy, kailan ba natin palayasin itong si Ffion? Inaagaw niya ang atensyon na para dapat sa 'kin." Kunwari malungkot si Ivony nang sabihin iyon.

"Soonest hija. Huwag kang mag-alala, hindi 'yan mahal ng anak ko. Gusto ka lang saktan ni Audric."

"Talaga ho?"

"Of course dear! Ina ako ni Audric at kilalang-kilala ko ang batang iyan. Ikaw lang ang babaeng minahal ng anak ko at natatabunan lang ito ng galit. Ang ginto, kahit ilibing pa sa putik 'yan, ginto pa rin. Ganiyan mahahalintulad ang pagmamahal sa 'yo ni Audric."

Napangiti siya. Boto talaga sa kaniya ang Donya. Bakit hindi? Kilalang-kilala ang kaniyang pangalan. Beauty queen at may pangalan sa bawat mga magazine na nilalabas buwan-buwan. Ang dami niyang proyekto bilang isang sikat na modelo at isang malaking puntos ito para kay Donya Vilma. Gusto nito ang mga babaeng tulad niya na may pangalan na sa itaas.

"Pero mas kakampante lang ako 'pag wala na yan si Ffion. Totoo bang kasal