Chapter 51

Natatawang napailing-iling si Lorenzo habang pinagmamasdan ang mga alagang halaman ni Ffion. Magaganda ang mga bulaklak na nakikita niya at nagmistulang parang paraiso ang bahay dahil sa dami ng mga bulaklak na nakapaligid.

Tsk. Tsk. Tsk. Ffion, Ffion...

Magpasalamat ito at nandito ang babaeng totoong mahal niya. Dahil kung wala, baka kagabi pa niya pinatay ang lalaking kinababaliwan nito.

Alam niyang masasaktan si Ivony kapag pinatay niya si Audric kung kaya't nagbago ang plano niya. Ngayon abot na abot niya na ang babaeng nagpapabaliw sa kaniyang sistema, kaya gagawin niya ang lahat mabaling ang pagmamahal nito sa kaniya.

Dito, dito siya sa villa titira. Hindi siya aalis hangga't hindi kasama ang babae! Wala siyang pakialam kung sinong demonyong ama ng batang nasa sinapupunan ni Ivony. Ang mahalaga kay Lorenzo, ay ang babae.

Isa pa, masayang paglaruan ang emosyon ni Ffion. Para itong isang paru-paro na nakapatong sa kamay niya. Hindi nito kayang lumipad papalayo dahil nakatali ang k